Thiruvananthapuram
സംസ്ഥാനത്ത് ഇന്നും അതിശക്തമായ മഴ തുടരുമെന്ന് മുന്നറിയിപ്പ്; കാസർകോട് ഒഴികെയുള്ള 13 ജില്ലകളിൽ യെല്ലോ അലർട്ട്, പത്തനംതിട്ടയിൽ അവധി
തിരുവനന്തപുരം : സംസ്ഥാനത്ത് ഇന്നും അതിശക്തമായ മഴ തുടരുമെന്ന് മുന്നറിയിപ്പ്. കാസര്കോട് ഒഴികെയുള്ള പതിമൂന്ന് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു. ഉരുള്പൊട്ടല് സാധ്യത കണക്കിലെടുത്ത് മലയോര മേഖലയില് കൂടുതല് ജാഗ്രത വേണം. കേരള തീരത്ത് മത്സ്യബന്ധനത്തിന് വിലക്കേര്പ്പെടുത്തിയിട്ടുണ്ട്. കേരളത്തിന് സമീപത്തും ബംഗാള് ഉള്ക്കടലിലും നിലനില്ക്കുന്ന ചക്രവാതച്ചുഴിയുമാണ് മഴ ശക്തമാകാന് കാരണം.
ഒറ്റപ്പെട്ട മഴ തുടരുന്നതിനാല് പത്തനംതിട്ട ജില്ലയില് പ്രൊഫഷണല് വിദ്യാഭ്യാസ സ്ഥാപനങ്ങള്ക്ക് ഉള്പ്പെടെ ജില്ലാ കളക്ടര് അവധി പ്രഖ്യാപിച്ചിട്ടുണ്ട്. എന്നാല് സര്വകലാശാല പരീക്ഷകള്ക്ക് മാറ്റമില്ല.
