കോ​ഴി​ക്കോ​ട് മെഡിക്കൽ കോളേ​ജ് ആശുപത്രിയിൽ കട്ടിൽ കിട്ടാനില്ല; വ​രാ​ന്ത​ക​ളി​ൽ നിറഞ്ഞ് രോഗികൾ

Report - This News as Inappropriate

Please complete the required fields.

Your Name (required)

Email (required)

Reason (required)
Inappropriate News Wrong/Fake News Copyright Complaint Other

Description (required)

Submit

കോ​ഴി​ക്കോ​ട്: മെ​ഡി​ക്ക​ൽ കോളേ​ജ് ആ​ശു​പ​ത്രി​യി​ൽ രോ​ഗി​ക​ളു​ടെ ആ​ധി​ക്യം കാ​ര​ണം കി​ട​ക്കാ​ൻ ക​ട്ടി​ൽ കി​ട്ടാ​തെ വ​രാ​ന്ത​ക​ളി​ൽ നി​ല​ത്ത് പാ​യ് വി​രി​ച്ച് കി​ട​ന്ന് രോ​ഗി​ക​ൾ. വാ​ർ​ഡു​ക​ളി​ൽ ഉ​ൾ​ക്കൊ​ള്ളാ​ൻ ക​ഴി​യു​ന്ന​തി​ല​ധി​കം രോ​ഗി​ക​ളാ​ണ് കി​ട​ത്തി​ച്ചി​കി​ത്സ​ക്ക് എ​ത്തു​ന്ന​ത്. മി​ക്ക വാ​ർ​ഡു​ക​ളി​ലും ക​ട്ടി​ലി​ൽ കി​ട​ക്കു​ന്ന​തി​നേ​ക്കാ​ൾ രോ​ഗി​ക​ളെ നി​ല​ത്ത് കി​ട​ത്തേ​ണ്ട അ​വ​സ്ഥ​യി​ലാ​ണ്. പ​നി പോ​ലു​ള്ള പ​ക​ർ​ച്ച​വ്യാ​ധി​ക​ൾ വ​ർ​ധി​ക്കു​ന്ന​തും പ്ര​തി​സ​ന്ധി വ​ർ​ധി​പ്പി​ക്കു​ന്നു. വാ​ർ​ഡു​ക​ളി​ൽ 28 രോ​ഗി​ക​ളെ കി​ട​ത്താ​നേ സൗ​ക​ര്യ​മു​ള്ളൂ. എ​ന്നാ​ൽ 100നു ​മു​ക​ളി​ൽ രോ​ഗി​ക​ളെ അ​ഡ്മി​റ്റ് ചെ​യ്യേ​ണ്ടി​വ​രു​ന്നു​ണ്ട്. കൂ​ടു​ത​ലാ​യി എ​ത്തു​ന്ന രോ​ഗി​ക​ളെ അ​ഡ്മി​റ്റ് ചെ​യ്യാ​​തെ മ​റ്റ് മാ​ർ​ഗ​ങ്ങ​ളി​ല്ലെ​ന്ന് ഡോ​ക്ട​ർ​മാ​രും പ​റ​യു​ന്നു. ഗു​രു​ത​ര അ​സു​ഖ​ങ്ങ​ൾ ഉ​ള്ള​വ​രും ശ​സ്ത്ര​ക്രി​യ കാ​ത്തി​രി​ക്കു​ന്ന​വ​രും വ​രെ വ​രാ​ന്ത​യി​ൽ കി​ട​ക്കു​ന്നു​ണ്ട്. രോ​ഗി​ക​ളു​ടെ വ​ർ​ധ​ന ഡോ​ക്ട​ർ​മാ​ർ​ക്കും ന​ഴ്സു​മാ​ർ​ക്കും ജോ​ലി​ഭാ​ര​മു​ണ്ടാ​ക്കു​ന്നു.

ഇ​തു​കാ​ര​ണം കൂ​ടു​ത​ൽ ശ്ര​ദ്ധ ആ​വ​ശ്യ​മു​ള്ള രോ​ഗി​ക​ൾ​ക്കു​പോ​ലും വേ​ണ്ട​ത്ര പ​രി​ച​ര​ണം ന​ൽ​കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് ഇ​വ​ർ. വാ​ർ​ഡു​ക​ൾ​ക്കു മു​ന്നി​ൽ വ​രാ​ന്ത‍യി​ൽ 30ഉം ​അ​തി​ൽ അ​ധി​ക​വും രോ​ഗി​ക​ൾ നി​ല​ത്ത് കി​ട​ക്കു​ന്നു​ണ്ട്. വാ​ർ​ഡു​ക​ളി​ൽ നി​ല​ത്ത് കി​ട​ക്കാ​നും സ്ഥ​ല​മി​ല്ലാ​തെ വ​രു​മ്പോ​ഴാ​ണ് രോ​ഗി​ക​ൾ വ​രാ​ന്ത​യി​ൽ പാ​യ വി​രി​ച്ച് കി​ട​ക്കു​ന്ന​ത്. ക​ട്ടി​ലി​ല്ലാ​തെ നി​ല​ത്ത് പാ​യ വി​രി​ച്ച് കി​ട​ക്കു​ന്ന​ത് കാ​ര​ണം രോ​ഗി​ക​ൾ​ക്ക് ഡ്രി​പ്പ് ക​യ​റ്റു​ന്ന​തി​നും മ​റ്റും പ്ര​യാ​സം സൃ​ഷ്ടി​ക്കു​ന്നു. പ​ഴ​യ കാ​ഷ്വാ​ലി​റ്റി ബ്ലോ​ക്ക് വാ​ർ​ഡു​ക​ളാ​ക്കി മാ​റ്റി​യി​ട്ടും പ്ര​തി​സ​ന്ധി പ​രി​ഹ​രി​ക്കാ​നാ​യി​ട്ടി​ല്ല. റ​ഫ​റ​ൽ സം​വി​ധാ​നം കാ​ര്യ​ക്ഷ​മ​മാ​യി ന​ട​പ്പാ​ക്കാ​ത്ത​താ​ണ് മെ​ഡി​ക്ക​ൽ കോളേജി​ൽ രോ​ഗി​ക​ൾ കൂ​ടി വ​രാ​ൻ കാ​ര​ണ​മാ​കു​ന്ന​തെ​ന്നാ​ണ് വി​ല​യി​രു​ത്ത​ൽ.

കു​ടും​ബാ​രോ​ഗ്യ​കേ​ന്ദ്ര​ങ്ങ​ൾ, താ​ലൂ​ക്ക്, ജി​ല്ല ജ​ന​റ​ൽ ആ​ശു​പ​ത്രി​ക​ളി​ലെ ചി​കി​ത്സ മാ​ത്രം ആ​വ​ശ്യ​മു​ള്ള ഗു​രു​ത​ര​മ​ല്ലാ​ത്ത ധാ​രാ​ളം രോ​ഗി​ക​ൾ മെ​ഡി​ക്ക​ൽ കോളേ​ജി​ൽ എ​ത്തു​ന്നു​ണ്ട്. ഇ​ത്ത​ര​ത്തി​ൽ എ​ത്തു​ന്ന രോ​ഗി​ക​ളെ റ​ഫ​റ​ൽ സം​വി​ധാ​ന​ത്തി​ലൂ​ടെ നി​യ​ന്ത്രി​ച്ചാ​ൽ തി​ര​ക്ക് കു​റ​യ്ക്കാ​ൻ ക​ഴി​യു​മെ​ന്ന് ഡോ​ക്ട​ർ​മാ​ർ ചൂ​ണ്ടി​ക്കാ​ട്ടു​ന്നു. ന​ഴ്സു​മാ​രു​ടെ ക്ഷാ​മം കാ​ര​ണം രോ​ഗി​ക​ൾ​ക്ക് മ​തി​യാ​യ പ​രി​ച​ര​ണം ല​ഭി​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. മി​ക്ക വാ​ർ​ഡു​ക​ളി​ലും ഒ​രു ഷി​ഫ്റ്റി​ൽ ഒ​രു സ്റ്റാ​ഫ് ന​ഴ്സ് മാ​ത്ര​മേ ഉ​ണ്ടാ​വു​ക​യു​ള്ളൂ. മാ​തൃ​ശി​ശു സം​ര​ക്ഷ​ണ​കേ​ന്ദ്ര​ത്തി​ലും പ്ര​തി​സ​ന്ധി രൂ​ക്ഷ​മാ​ണ്. മാ​തൃ​ശി​ശു സം​ര​ക്ഷ​ണ കേ​ന്ദ്ര​ത്തി​ൽ ഡോ​ക്ട​ർ​മാ​ർ വീ​ടു​ക​ളി​ൽ​നി​ന്ന് ചി​കി​ത്സ ന​ൽ​കു​ന്ന രോ​ഗി​ക​ൾ പ്ര​സ​വ​ത്തി​നാ​യി മെ​ഡി​ക്ക​ൽ കോളേജു​ക​ളി​ലേ​ക്കെ​ത്തു​ക​യാ​ണെ​ന്നും ആ​ക്ഷേ​പ​മു​ണ്ട്.