അടുത്ത മൂന്ന് ദിവസം ശക്തമായ മഴക്ക് സാധ്യത; വിവിധയിടങ്ങളില് യെല്ലോ അലേര്ട്ട് പ്രഖ്യാപിച്ചു.
തിരുവനന്തപുരം : കേരളത്തില് അടുത്ത മൂന്ന് ദിവസം ഒറ്റപ്പെട്ടയിടങ്ങളില് ഇടി മിന്നലും കാറ്റോട് കൂടിയ ശക്തമായ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. മലയോര മേഖലകളില് മഴ ശക്തമായേക്കും. പത്തനംതിട്ട, ഇടുക്കി, വയനാട് ജില്ലകളില് വ്യാഴാഴ്ച വരെ യെല്ലോ അലര്ട്ട് പ്രഖ്യാപിച്ചു. തെക്ക് കിഴക്കന് ബംഗാള് ഉള്കടലിലെ ന്യൂന മര്ദ്ദം ശക്തി പ്രാപിക്കുകയാണ്.
കൂടാതെ അത് നാളത്തോടെ ‘മോഖ’ ചുഴലിക്കാറ്റായി മാറാന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം അറിയിച്ചു. എന്നാൽ മോഖ ചുഴലിക്കാറ്റ് കേരളത്തെ നേരിട്ട് ബാധിക്കില്ല. 12 ന് ശേഷം മോഖ ചുഴലിക്കാറ്റ് ബംഗ്ലാദേശ് മ്യാന്മാര് തീരത്തേക്ക് നീങ്ങാന് സാധ്യതയെന്നാണ് പ്രവചനം.
കൂടാതെ കേരള തീരത്ത് ഉയര്ന്ന തിരമാലയ്ക്കും മോശം കാലാവസ്ഥയ്ക്കും സാധ്യതയുണ്ട്. മത്സ്യതൊഴിലാളികളും തീരദേശ വാസികളും ജാഗ്രത പാലിക്കണം. കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് നിലവില് തടസ്സമില്ല.
