താമരശ്ശേരി: താമരശ്ശേരി എക്സൈസ് സർക്കിൾ ടീം കോഴിക്കോട് ഐ.ബി പ്രിവൻ്റീവ് ഓഫീസർ ചന്ദ്രൻ കുഴിച്ചാലിന് നൽകിയ രഹസ്യ വിവരത്തെ തുടർന്ന് ചമൽ കേളംമൂല ഭാഗത്ത് നടത്തിയ വ്യാപകമായ റെയ്ഡിൽ വൻ വാറ്റ് കേന്ദ്രം കണ്ടെത്തി. ബാരലുകളിൽ സൂക്ഷിച്ച 500 ലിറ്റർ വാഷും 20 ലിറ്റർ ചാരായവും വാറ്റ് ഉപകരണങ്ങളും ഗ്യാസ് സിലിണ്ടറും സംഘം പിടിച്ചെടുത്തു.
എക്സൈസ് സംഘം സ്ഥലത്തെത്തുമ്പോഴേക്കും വാറ്റുകാർ സ്ഥലത്തു നിന്ന് രക്ഷപ്പെട്ടിരുന്നു. താമരശ്ശേരി സർക്കിളിലെ അസിസ്റ്റന്റ് എക്സൈസ് ഇൻസ്പെക്ടർ സന്തോഷ് കുമാറിന്റെ നേതൃത്വത്തിൽ നടത്തിയ റെയ്ഡിൽ ഐ.ബി പ്രിവൻ്റീവ് ഓഫീസർ ചന്ദ്രൻ കുഴിച്ചാലിൽ, പ്രിവൻ്റീവ് ഓഫീസർമാരായ ഷംസുദ്ദീൻ, സുരേഷ് ബാബു, സി.ഇ.ഒ ബിനീഷ് കുമാർ തുടങ്ങിയവർ പങ്കെടുത്തു. പ്രതികളെപറ്റി അന്വേഷണം ഊർജ്ജിതമാക്കിയതായി എക്സെെസ് അറിയിച്ചു
