മോശം കാലാവസ്ഥയായതിനാൽ കേരള, കര്ണാടക, ലക്ഷദ്വീപ് തീരങ്ങളില് ഇന്ന് (ആഗസ്റ്റ് 31) മുതല് സെപ്തംബര് മൂന്നുവരെ മത്സ്യബന്ധനം പാടില്ലെന്ന് മുന്നറിയിപ്പ്. മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്രകാലാവസ്ഥാ വകുപ്പ് അറിയിച്ചു.
ഇന്നും നാളെയും കന്യാകുമാരി തീരം, ഗള്ഫ് ഓഫ് മാന്നാര്, അതിനോട് ചേര്ന്നുള്ള തെക്കന് തമിഴ്നാട് തീരം, തെക്കു-പടിഞ്ഞാറ് ബംഗാള് ഉള്ക്കടല്, അതിനോട് ചേര്ന്നുള്ള തെക്കു- കിഴക്ക് ബംഗാള് ഉള്ക്കടല് എന്നിവിടങ്ങളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
സെപ്തംബര് രണ്ടിന് കന്യാകുമാരി തീരം, ശ്രീലങ്കന് തീരത്തുനിന്നു മാറി തെക്കു-പടിഞ്ഞാറ് ബംഗാള് ഉള്ക്കടല് എന്നിവിടങ്ങളിലും ഇന്ന് മുതല് സെപ്തംബര് മൂന്നുവരെ മാലിദ്വീപ് പ്രദേശം, അതിനോട് ചേര്ന്നുള്ള തെക്ക്-കിഴക്ക്, മധ്യ കിഴക്ക് അറബിക്കടല് എന്നിവിടങ്ങളിലും മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റും മോശം കാലാവസ്ഥയുമുണ്ടാകാം. ഈ സാഹചര്യത്തില് മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതികളില് മല്സ്യബന്ധനത്തിന് പോകരുതെന്ന് തിരുവനന്തപുരം ജില്ലാ കളക്ടര് ജെറോമിക് ജോര്ജ് അറിയിച്ചു.
