Kozhikode
സർക്കാരിൻ്റെ സൗജന്യ ഓണക്കിറ്റ്; വിതരണം പ്രതിസന്ധിയിൽ ആയേക്കും, എതിർപ്പുമായി റേഷൻ ഡീലേഴ്സ് അസോസിയേഷൻ
കോഴിക്കോട്: സർക്കാരിൻ്റെ സൗജന്യ ഓണക്കിറ്റ് വിതരണം പ്രതിസന്ധിയിൽ ആയേക്കും. എതിർപ്പുമായി റേഷൻ ഡീലേഴ്സ് അസോസിയേഷൻ രംഗത്തെെത്തിയ സാഹചര്യത്തിലാണിത്. കൊവിഡ് കാലത്തെ കിറ്റ് വിതരണത്തിൻ്റെ കമ്മീഷൻ തുക ഇതുവരെ നൽകിയിട്ടില്ല.കമ്മിഷൻ തുക ഉടൻ നൽകാൻ ഹൈകോടതി ഉത്തരവ് നൽകി 5 മാസം ആയിട്ടും സർക്കാരിന് അനക്കമില്ലെന്നാണ് റേഷന് ഡീലേഴ്സിന്റെ ആരോപണം.
കിറ്റ് വിതരണത്തിന് കമ്മീഷൻ നൽകാൻ ആകില്ലെന്ന സർക്കാർ നിലപാടിനോട് യോജിക്കാൻ ആകില്ലെന്ന് റേഷൻ ഡീലേഴ്സ് അസോസിയേഷൻ സംസ്ഥാന ജനറൽ സെക്രട്ടറി ടി. മുഹമ്മദലി പറഞ്ഞു. ഓണത്തിന് ഇത്തവണയും പ്രത്യേക സൗജന്യ സ്പെഷൽ ഭക്ഷ്യക്കിറ്റ് വിതരണം ചെയ്യാൻ സര്ക്കാര് നടപടി തുടങ്ങിയിരുന്നു. 13 ഇനങ്ങൾ വിതരണം ചെയ്യാനാണ് ആലോചന. കഴിഞ്ഞ തവണ 15 ഇനങ്ങളായിരുന്നു കിറ്റിലുണ്ടായിരുന്നത്.
