വിദ്യാഭ്യാസ രംഗത്ത് പൊളിച്ചെഴുത്തിന് സിപിഎം; എയ്ഡഡ് സ്ഥാപനങ്ങളിലെ നിയമനങ്ങൾ പിഎസ് സിക്ക് വിടണം-എ.കെ.ബാലൻ
കൊച്ചി: വിദ്യാഭ്യാസ രംഗത്ത് വന് പൊളിച്ചെഴുത്തിന് സിപിഎം തയാറെടുക്കുകയാണെന്ന് സി പി എം കേന്ദ്ര കമ്മറ്റി അംഗം എ കെ ബാലൻ പറഞ്ഞു. എയ്ഡഡ് സ്ഥാപനങ്ങളിലെ നിയമനങ്ങള് പിഎസ്സിക്ക് വിടണമെന്ന് സിപിഎം കേന്ദ്ര കമ്മിറ്റി അംഗം എ.കെ ബാലന് പറഞ്ഞു.
സാമൂഹ്യ നീതി ഉറപ്പാക്കാന് നിയമനം സര്ക്കാര് ഏറ്റെടുത്തേ മതിയാകൂ. ലക്ഷങ്ങളും കോടികളും കോഴ നല്കാന് കെല്പ്പുളളവര്ക്ക് മാത്രമാണ് നിലവില് നിയമനം. കോഴയായി മാനേജ്മെന്റുകള് വാങ്ങുന്ന കോടികള് എങ്ങോട്ട് പോകുന്നുവെന്നും എ കെ ബാലന് ചോദിച്ചു.
പ്രബല സമുദായങ്ങളുടെ സ്ഥാപനങ്ങളില് പാവപ്പെട്ടവര്ക്കാര്ക്ക് നിയമനമില്ല. പിഎസ്സിക്ക് വിട്ടാല് അനാവശ്യ നിയമനങ്ങള് ഒഴിവാക്കാം, സാന്പത്തിക ബാധ്യതയും കുറയ്ക്കാം.
രണ്ടാം പിണറായി സര്ക്കാര് ഈ നീക്കത്തിന് തുടക്കം കുറിക്കുമെന്നാണ് പ്രതീക്ഷയെന്ന് എ.കെ ബാലന് പറഞ്ഞു. എംഇഎസും എസ്എന്ഡിപിയും ഈ നിര്ദേശത്തോടെ യോജിച്ചിട്ടുണ്ട്. മറ്റ് സമുദായങ്ങളും സഹകരിക്കുമെന്നാണ് പ്രതീക്ഷ. ഒരു രണ്ടാം വിമോചന സമരം ഇനി കേരളത്തില് സാധ്യമല്ലെന്നും എ.കെ ബാലന് പറഞ്ഞു
