ഫിഫ ലോകകപ്പില് ബ്രസീലിന് ആദ്യജയം. മറുപടിയില്ലാത്ത മൂന്ന് ഗോളിന് ഹെയ്തിയെ തോല്പ്പിച്ചു. മത്തെയോസ് കൂന്യക്ക് ബ്രസീലിന് വേണ്ടി രണ്ട് ഗോള് നേടി. വിനീഷ്യസ് ജൂനിയറും ഗോള് നേടി.
ആദ്യ പകുതിയിലാണ് മൂന്ന് ഗോളുകളുെ വന്നത്. ആദ്യ മത്സരത്തിലെ സമനിലയുടെ നിരാശ മറികടക്കുന്ന ജയം തന്നെ ബ്രസീലിന് ലഭിച്ചു. 23ാം മിനിറ്റില് മത്തെയോസ് കൂന്യയുടേതായിരുന്നു ആദ്യ ഗോള്. 36ാം മിനിറ്റില് ഒരിക്കല് കൂടി കൂന്യ വല വിറപ്പിച്ചു. ഒടുവില് 45ാം മിനിറ്റില്, അതായത് ആദ്യ പകുതി തീരുന്നതിന് മുന്പ് ഇഞ്ച്വറി ടൈമില് വിനീഷ്യസ് ജൂനിയര് കൂടി ഗോള് നേടി.
രണ്ടാം പകുതിയില് ചില മാറ്റങ്ങളുമായി വന്ന് കൂടുതല് ഗോളുകള് നേടാന് ബ്രസീല് നോക്കിയെങ്കിലും അത് നടന്നില്ല. ഹെയ്തിയുടെ തിരിച്ചടിക്കാനുള്ള ശ്രമങ്ങളോടെയാണ് മത്സരം അവസാനിച്ചത്. 63ാം മിനിറ്റില് ഹെയ്തി ഗോളിന് തൊട്ടരികെ എത്തുകയും ചെയ്തു. എന്നാല് ഗോള്വരയ്ക്കു മുന്നില് നിന്നുള്ള റിക്കാര്ഡോ ആഡെയുടെ ഹെഡര് അലിസണ് രക്ഷപ്പെടുത്തി.
