മംഗളൂരു: കർണാടകയിലെ ബൽക്കൂറിൽ നടന്ന വാഹനാപകടത്തിൽ ഇരുചക്ര വാഹന യാത്രക്കാരായ രണ്ട് പേർ മരിച്ചു. എതിർ ദിശയിൽ നിന്നും വന്ന കാറുമായി കൂട്ടിയിടിച്ചാണ് അപകടം. കെ.രാജീവ് ഷെട്ടി (55), എം.സുധീർ ദേവഡിഗ (35) എന്നിവരാണ് മരിച്ചത്. കാണ്ട്ലൂരിൽ നിന്ന് കുന്താപുരത്തേക്ക് പോകുകയായിരുന്ന കാർ, കാണ്ട്ലൂരിലേക്ക് വരികയായിരുന്ന സ്കൂട്ടർ യാത്രക്കാർ.ഇടിയുടെ ആഘാതത്തിൽ കാറിന്റെ മുൻഭാഗത്തിനും ഇരുചക്രവാഹനത്തിനും കേടുപാടുകൾ സംഭവിച്ചു. അപകടത്തെ തുടർന്ന് ഹൈവേയിൽ ഗതാഗതം സ്തംഭിച്ചു.
തുടർന്ന് കുന്താപുരം ട്രാഫിക് പൊലീസും ഹൈവേ പട്രോളിംഗ് ഉദ്യോഗസ്ഥരും സ്ഥലത്തെത്തി ഗതാഗതം പുനഃസ്ഥാപിച്ചു. അപകടത്തെ തുടർന്ന് കുന്താപുരം ട്രാഫിക് പൊലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്. ഡി.വൈ.എസ്.പി എച്ച്.ഡി. കുൽക്കർണി, പൊലീസ് ഇൻസ്പെക്ടർ നഞ്ചപ്പ, റൂറൽ പൊലീസ് സ്റ്റേഷൻ പി.എസ്.ഐ നൂതനൻ എന്നിവർ അപകട സ്ഥലം സന്ദർശിച്ചു.
