താമരശ്ശേരി : കൂടത്തായിയില് ഇരുതുള്ളി പുഴയില് യുവാവിനെ മരിച്ച നിലയില് കണ്ടെത്തി. മങ്ങാട്ടുപുറായിൽ സജീവൻ (45) ആണ് മരിച്ചതെന്നാണു വിവരം. മൃതദേഹത്തിനു ദിവസങ്ങളുടെ പഴക്കമുണ്ട്. തോട്ടത്തിന്കടവ് ഭാഗത്താണ് മൃതദേഹം കണ്ടെത്തിയത്.
മീന് പിടിക്കാനായി പുഴയില് എത്തിയതാണെന്നാണു കരുതുന്നു. മീന് പിടിക്കാനുള്ള വല കയ്യിൽ പിടിച്ച നിലയിലാണ്. മുഖത്ത് സാരമായി പരുക്കേറ്റിട്ടുണ്ട്. മുക്കത്തുനിന്ന് അഗ്നിരക്ഷാ സേന എത്തി മൃതദേഹം കരയ്ക്കെത്തിച്ചു. താമരശ്ശേരി പൊലീസെത്തി തുടർ നടപടി സ്വീകരിച്ചു.
