താമരശ്ശേരി: ബൈക്കുകൾ കൂട്ടിയിടിച്ച് രണ്ടുപേർക്ക് പരിക്ക്. കോളിക്കൽ വേണാടി സ്വദേശി വിഷ്ണു, തച്ചംപൊയിൽ സ്വദേശി ഷാനിസ് എന്നിവർക്കാണ് പരിക്കേറ്റത്. ഇന്നലെ രാത്രി 10 മണിയോടെ കോരങ്ങാട് അങ്ങാടിക്ക് സമീപം ഐ എച്ച് ആർ ഡി കോളേജിന് മുന്നിലായിരുന്നു അപകടം.
സാരമായി പരിക്കേറ്റ ഇരുവരെയും നാട്ടുകാർ താമരശ്ശേരി താലൂക്ക് ആശുപത്രിയിൽ എത്തിച്ച് പ്രാഥമിക ചികിത്സ നൽകി. തുടർന്ന് വിഷ്ണുവിനെ കോഴിക്കോട് മെഡിക്കൽ കോളേജ് ആശുപത്രിയിലേക്കും ഷാനിസിനെ മണാശേരിയിലെ സ്വകാര്യ മെഡിക്കൽ കോളേജ് ആശുപത്രിയിലേക്കും മാറ്റി.
