മാനന്തവാടി: സ്കൂൾ വിദ്യാർത്ഥികളുമായി റോഡിലൂടെ പോകുകയായിരുന്ന ജീപ്പിടിച്ച് മൂന്നര വയസ്സുകാരിക്ക് ദാരുണാന്ത്യം. വയനാട് വെള്ളമുണ്ടയ്ക്കടുത്ത് മയിലാടൻ കുന്നിൽ ഇന്ന് വൈകീട്ട് നാല് മണിയോടെയായിരുന്നു അപകടം. വെള്ളമുണ്ട മഠത്തും കുനിയിൽ റോഡിൽ ആയിരുന്നു അപകടം സംഭവിച്ചത് . മഠത്തിൽ ഇസ്മയിലിന്റെയും റൈഹാനത്തിന്റെയും മകൾ അൻഫാ മറിയം ആണ് മരിച്ചത്.
റോഡിലേക്ക് ഇറങ്ങിയ ഉമ്മയുടെ പിറകെ ഓടിയ കുട്ടിയെ റോഡിലൂടെ വന്ന ജീപ്പ് ഇടിക്കുകയായിരുന്നു. കുട്ടിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല. മൃതദേഹം മാനന്തവാടി മെഡിക്കൽ കോളേജിലേക്ക് മാറ്റി.
