കല്പ്പറ്റ: വയനാട് ചുരത്തിലെ യാത്രാക്ലേശം പരിഹരിക്കുന്നതിന്റെ ഭാഗമായി മാർച്ച് 11 മുതൽ എല്ലാ വിശേഷ ദിവസങ്ങളിലും, ശനി, ഞായര് ദിവസങ്ങളിലും ഉച്ചയ്ക്ക് ശേഷം 3 മണി മുതല് രാത്രി 9 മണി വരെയും, തിങ്കളാഴ്ച ദിവസങ്ങളിൽ രാവിലെ 7 മണി മുതല് രാവിലെ 9 മണി വരെയും വലിയ ചരക്കു വാഹനങ്ങള്ക്ക് നിയന്ത്രണമേര്പ്പെടുത്തും.
ചുരം വഴി കടന്നു പോകുന്ന മള്ട്ടി ആക്സില് വാഹനങ്ങള്ക്കും, നിര്മ്മാണ സാമഗ്രികള് കൊണ്ടുവരുന്ന ടിപ്പര്, ടോറസ് എന്നിവയ്ക്കുമാണ് നിയന്ത്രണം ബാധകമാവുക. കോഴിക്കോട്, വയനാട് കളക്ടര്മാരുടെ യോഗത്തിലാണ് തീരുമാനം. നിയന്ത്രണം സംബന്ധിച്ച് ലോറി, ടിപ്പര്, മള്ട്ടി ആക്സില് അസോസിയേഷനുകൾക്ക് കല്പ്പറ്റ ട്രാഫിക് പോലീസ് മുന്നറിയിപ്പ് നോട്ടീസ് നല്കി.
