വിദ്യാര്ഥികള്ക്ക് ഇനി കുറച്ച് കടുപ്പം…! ഹൈസ്കൂൾ ക്ലാസുകളിലെ സബ്ജക്ട് മിനിമം മാർക്ക് ഒഴിവാക്കി; പുതിയ ഉത്തരവുമായി വിദ്യാഭ്യാസ വകുപ്പ്
തിരുവനന്തപുരം: 8, 9, 10 ക്ലാസുകളിലെ സബ്ജക്ട് മിനിമം മാര്ക്ക് സംവിധാനം ഒഴിവാക്കി വിദ്യാഭ്യാസ വകുപ്പ്. മിനിമം മാര്ക്ക് ഒഴിവാക്കിയതോടെ വിദ്യാര്ഥികള്ക്ക് ലഭിക്കുന്ന പഠന പിന്തുണാ ക്ലാസുകളും ഇല്ലാതാകും.
വിദ്യാര്ഥികളുടെ പഠന നിലവാരം ഉയര്ത്തുന്നതിനായി എല്ഡിഎഫ് സര്ക്കാരാണ് മിനിമം മാര്ക്ക് സംവിധാനം ഏര്പ്പെടുത്തിയത്. എഴുതാനും വായിക്കാനും അറിയാത്തവര് പത്താം ക്ലാസില് എ പ്ലസ് നേടുന്നതായി വിമര്ശനം ഉയര്ത്തോടെയാണ് പഠന നിലവാരം ഉറപ്പാക്കാന് മിനിമം മാര്ക്ക് നിശ്ചയിച്ചത്.ആദ്യഘട്ടത്തില് എട്ടാം ക്ലാസിലാണ് മിനിമം മാര്ക്ക് സംവിധാനം ഏര്പ്പെടുത്തിയത്. പിന്നീട് ഒമ്പതാം ക്ലാസിലും മിനിമം മാര്ക്ക് നിര്ബന്ധമാക്കിയിരുന്നു.
മിനിമം മാര്ക്ക് ഒഴിവാക്കുന്നതോടെ പരീക്ഷയില് പരാജയപ്പെടുന്നവരുടെ എണ്ണം കുറയുമെങ്കിലും, കുട്ടികളുടെ യഥാര്ത്ഥ പഠന നിലവാരം വിലയിരുത്തുന്നതില് വീണ്ടും തിരിച്ചടിയുണ്ടാകുമെന്ന ആശങ്കയും ഉയരുന്നുണ്ട്.
