കൊച്ചി: സംസ്ഥാനത്ത് സ്വർണവിലയിൽ ഇന്ന് ഇടിവ് രേഖപ്പെടുത്തി. ഇന്നലെ മാറ്റമില്ലാതെ തുടർന്ന വിലയിലാണ് ഇന്ന് കുറവുണ്ടായിട്ടുള്ളത്. ഇന്ന് ഒരു പവൻ സ്വർണത്തിന് 1,13,000 രൂപയാണ് വില. ഗ്രാമിന് 30 രൂപ വർധിച്ച് 14,125 രൂപയായാണ് വ്യാപാരം നടക്കുന്നത്. സ്വർണവിലയിൽ ഉണ്ടാകുന്ന തുടർച്ചയായ ചാഞ്ചാട്ടങ്ങൾ വിപണിയെ സാരമായി ബാധിക്കാറുണ്ട്.
ചില ദിവസങ്ങളിൽ ഒരു ദിവസം തന്നെ രണ്ടുതവണ വിലയിൽ മാറ്റങ്ങൾ ഉണ്ടാകാറുണ്ട്. ഈ മാസത്തെ ഇതുവരെയുള്ള ഏറ്റവും ഉയർന്ന സ്വർണനിരക്ക് രേഖപ്പെടുത്തിയത് സെപ്റ്റംബർ ഒന്നിനായിരുന്നു. അന്ന് ഒരു പവൻ സ്വർണത്തിന് 1,15,080 രൂപയായിരുന്നു വില. അന്ന് ഒരു ഗ്രാം സ്വർണത്തിന് 14,385 രൂപയായിരുന്നു നിരക്ക്.
സ്വർണത്തെ എക്കാലത്തും ഒരു സുരക്ഷിത നിക്ഷേപമായാണ് ആളുകൾ കാണുന്നത്. അതിനാൽ വിലയിൽ എന്ത് മാറ്റമുണ്ടായാലും സ്വർണം വാങ്ങാൻ ആളുകൾ എത്താറുണ്ട്. വിവാഹസീസൺ ആയതിനാൽ കഴിഞ്ഞ കാലങ്ങളിൽ സ്വർണവിപണി ഏറെ സജീവമായിരുന്നു.
