Wayanad
മദ്യം നല്കി വോട്ടര്മാരെ സ്വാധീനിക്കാന് ശ്രമമെന്ന് പരാതി; മൂന്ന് സിപിഎം പ്രവർത്തകരെ കസ്റ്റഡിയിലെടുത്തു
വയനാട്: വയനാട് തിരുനെല്ലി ഉന്നതിയില് മദ്യം നല്കി വോട്ടര്മാരെ സ്വാധീനിക്കാന് ശ്രമമെന്ന് പരാതി. നെടുന്തന ഉന്നതിയില് സിപിഐഎം പ്രവര്ത്തകര്ക്ക് എതിരെ ആണ് പരാതി. പ്രദേശത്തുണ്ടായ നേരിയ സംഘര്ഷത്തിന് പിന്നാലെ മൂന്ന് പേരെ കസ്റ്റഡിയിലെടുത്തു.
എല്ഡിഎഫ് സ്ഥാനാര്ഥി ഉള്പ്പെടെ ഉള്ളവര് അര്ധരാത്രി ഉന്നതിയില് എത്തി എന്നാണ് ആക്ഷേപം. ഇന്നലെ രാത്രി 11 മണിയോടെ തിരുനെല്ലി പഞ്ചായത്ത് 6-ാം വാര്ഡില് ആണ് സംഭവം . സിപിഐഎം പ്രവര്ത്തകര് എത്തുകയും മദ്യം നല്കാന് നീക്കം നടത്തുകയും ചെയ്തു എന്നാണ് പരാതി.
