പാലക്കാട്: യൂത്ത് കോണ്ഗ്രസ് സംസ്ഥാന അധ്യക്ഷ സ്ഥാനം രാജി വെച്ച് രാഹുല് മാങ്കൂട്ടത്തില്. യൂത്ത് കോണ്ഗ്രസ് സംസ്ഥാന അദ്ധ്യക്ഷ സ്ഥാനത്ത് നിന്ന് രാജിവെക്കാന് രാഹുല് മാങ്കൂട്ടത്തില് എംഎല്എയ്ക്ക് എഐസിസി നിര്ദേശം നല്കിയിരുന്നു. പാര്ട്ടി സംസ്ഥാന നേതൃത്വത്തോടായിരുന്നു ഹൈക്കമാന്ഡ് വിശദാംശങ്ങള് തേടിയത്.
യുവനടി തന്റെ സുഹൃത്താണെന്നും അവർ തന്റെ പേര് പറഞ്ഞിട്ടില്ലെന്നും രാഹുൽ മാങ്കൂട്ടത്തിൽ. കെ.പി.സി.സി പ്രസിഡന്റ് ഉൾപ്പടെയുള്ള നേതാക്കളുമായി ഞാൻ ടെലിഫോണിൽ സംസാരിച്ചു. വിവാദങ്ങൾക്ക് പിന്നാലെ നടത്തിയ വാർത്താസമ്മേളനത്തിലാണ് രാഹുലിന്റെ പരാമർശം.ഹണി ഭാസ്കരന്റെ ആരോപണം അവർ തെളിയിക്കട്ടെയെന്നും രാഹുൽ മാങ്കൂട്ടത്തിൽ പറഞ്ഞു. നിയമവിരുദ്ധമായ കാര്യങ്ങളെ കുറിച്ചാണ് മാധ്യമങ്ങൾ സംസാരിക്കേണ്ടതെന്നും രാഹുൽ മാങ്കൂട്ടത്തിൽ പറഞ്ഞു. തനിക്കെതിരെ ആരും പരാതി ഉന്നയിച്ചിട്ടില്ല. അത്തരമൊരു പരാതി വന്നാൽ നിയമപരമായി നേരിടും. രാജ്യത്തെ നിയമസംവിധാനത്തിൽ വിശ്വാസമുണ്ട്. ഓഡിയോ സന്ദേശം വ്യാജമായി നിർമിക്കുമെന്നാണ് കരുതുന്നത്.
എനിക്കെതിരെ ആരോപണം ഉന്നയിച്ച യുവനടി എന്റെ അടുത്ത സുഹൃത്താണ്. ഇപ്പോഴും സൗഹൃദം തുടരുന്നുണ്ട്. അവര് എന്നെ കുറിച്ചാണ് പറഞ്ഞതെന്ന് ഞാന് വിശ്വസിക്കുന്നില്ല. ഈ രാജ്യത്തിന്റെ നിയമത്തിന് വിരുദ്ധമായി ഒരു കാര്യവും ചെയ്തിട്ടില്ല. നിയമവിരുദ്ധമായി എന്തെങ്കിലും പ്രവര്ത്തിച്ചതായി ആരും പരാതി നല്കിയിട്ടില്ല. പരാതി ഉണ്ടാകുന്ന പക്ഷം അത് തെളിയിക്കാന്
അത്തരത്തില് ആരെങ്കിലും പരാതി പറഞ്ഞിട്ടുണ്ടോ. ഗര്ഭഛിദ്രം നടത്താന് നിര്ബന്ധിച്ചു എന്നൊരു പരാതി ആരങ്കിലും കൊടുത്തിട്ടുണ്ടോ. ശബ്ദസന്ദേശങ്ങള് ഉണ്ടാക്കാന് ഇന്നത്തെ കാലത്ത് ആര്ക്കും കഴിയും. കോണ്ഗ്രസിന്റെ അനുഭാവിയായ വ്യക്തി എന്റെ പേര് പറഞ്ഞോ. നിങ്ങളുടെ ചോദ്യങ്ങള്ക്ക് മറുപടി പറയാനല്ലേ ഞാന് ഇവിടെ നില്ക്കുന്നത്. ഏതെങ്കിലും പോലീസ് സ്റ്റേഷനില് എനിക്കെതിരെ പരാതിയുണ്ടോ. ഹണി ഭാസ്കരന് തെളിയിക്കാന് സാധിക്കുമോ. രണ്ടുപേര് സംസാരിക്കുന്നത് തെറ്റാണെങ്കില് അവര് ചെയ്തതും തെറ്റാണ്. ഹണി ഭാസ്കരന് ആക്ഷേപമുണ്ടെങ്കില് അവരത് തെളിയിക്കട്ടെ.
