Thiruvananthapuram
കോഴിക്കോടും കണ്ണൂരും ഉൾപ്പെടെ ഏഴ് ജില്ലകളില് യെല്ലോ അലര്ട്ട്, സംസ്ഥാനത്ത് ശക്തമായ മഴ മുന്നറിയിപ്പ്
തിരുവനന്തപുരം : സംസ്ഥാനത്ത് ഇന്നും ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്. ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചു. ആലപ്പുഴ എറണാകുളം തൃശൂര് മലപ്പുറം കോഴിക്കോട് കണ്ണൂര് കാസര്ഗോഡ് ജില്ലകളിലാണ് ശക്തമായ മഴ മുന്നറിയിപ്പ് നല്കിയത്.
കേരളത്തിന് മുകളില് പടിഞ്ഞാറന് കാറ്റ് ശക്തമാകുന്ന സാഹചര്യത്തില്, മണിക്കൂറില് 50 കിലോമീറ്റര് വരെ വേഗതയില് കാറ്റ് വീശാനും സാധ്യതയുണ്ട്. ശക്തമായ തിരമാലക്കും കടല്ക്ഷോഭത്തിനും സാധ്യതയുള്ളതിനാല് കേരള കര്ണാടക ലക്ഷദ്വീപ് തീരങ്ങളില് ഏര്പ്പെടുത്തിയ മത്സ്യബന്ധനത്തിന് വിലക്ക് തുടരുകയാണ്.
