രണ്ടാം ടെസ്റ്റില് തുടക്കത്തിലെ ബാറ്റിംഗ് തകര്ച്ചയ്ക്ക് ശേഷം ബംഗ്ലാദേശ് കരകയറുന്നു. ഗ്രീന് പാര്ക്കില് ടോസ് നേടിയ ഇന്ത്യന് ക്യാപ്റ്റന് രോഹിത് ശര്മ, ബംഗ്ലാദേശിനെ ബാറ്റിംഗിനയക്കുകയായിരുന്നു. ആദ്യ ടെസ്റ്റ് കളിച്ച ടീമില് നിന്ന് മാറ്റമൊന്നുമില്ലാതെയാണ് ഇന്ത്യ ഇറങ്ങിയത്.സ്കോര്ബോര്ഡില് 26 റണ്സുള്ളപ്പോള് ബംഗ്ലാദേശിന് ആദ്യ വിക്കറ്റ് നഷ്ടമായി.പിന്നാലെ സഹഓപ്പണര് ഷദ്മാന് ഇസ്ലാം മടങ്ങി. സാക്കിര് ഹുസൈന് (0), ഷദ്മാന് ഇസ്ലാം (24) എന്നിവരുടെ വിക്കറ്റുകളാണ് ബംഗ്ലാദേശിന് നഷ്ടമായത്. ആകാശ് ദീപിനാണ് രണ്ട് വിക്കറ്റുകളും.
ഒന്നാം ദിനം ലഞ്ചിന് പിരിയുമ്പോള് ബംഗ്ലാദേശ് രണ്ട് വിക്കറ്റ് നഷ്ടത്തില് 74 റണ്സെടുത്തിട്ടുണ്ട്. മൊമിനുല് ഹഖ് (17), നജ്മുല് ഹുസൈന് ഷാന്റോ (28) എന്നിവരാണ് ക്രീസില്. ടസ്കിന് അഹമ്മദ്, നഹീദ് റാണ എന്നിവരെ ഒഴിവാക്കി പകരം തയ്ജുല് ഇസ്ലാം, ഖലേദ് അഹമ്മദ് എന്നിവരാണ് ബംഗ്ലാദേശ് നിരയിൽ എത്തിയത്.ഇന്ത്യ: യശസ്വി ജയ്സ്വാള്, രോഹിത് ശര്മ (ക്യാപ്റ്റന്), ശുഭ്മാന് ഗില്, വിരാട് കോഹ്ലി, റിഷഭ് പന്ത് (വിക്കറ്റ് കീപ്പര്), കെഎല് രാഹുല്, രവീന്ദ്ര ജഡേജ, രവിചന്ദ്രന് അശ്വിന്, ആകാശ് ദീപ്, ജസ്പ്രീത് ബുമ്ര, മുഹമ്മദ് സിറാജ്.
ബംഗ്ലാദേശ്: ഷാദ്മാന് ഇസ്ലാം, സാക്കിര് ഹസന്, നജ്മുല് ഹൊസൈന് ഷാന്റോ (ക്യാപ്റ്റന്), മോമിനുള് ഹഖ്, മുഷ്ഫിഖുര് റഹീം, ഷാക്കിബ് അല് ഹസന്, ലിറ്റണ് ദാസ് (വിക്കറ്റ് കീപ്പര്), മെഹിദി ഹസന് മിറാസ്, തൈജുല് ഇസ്ലാം, ഹസന് മഹ്മൂദ്, ഖാലിദ് അഹമ്മദ്.
