എറണാകുളം : ബന്ധുവായ യുവതിയെ എറണാകുളം ഇടപ്പള്ളിയില് എത്തിച്ച് ബലാത്സംഗം ചെയ്ത കേസില് യുവാവ് അറസ്റ്റിലായി. കുഴുപ്പള്ളി മുനമ്പം അയ്യാര് വളവ് സ്വദേശി ജാനേന്ദാണ് പിടിയിലായത്.
ഹോസ്റ്റല് നോക്കി മടങ്ങുംവഴി അത്യാവശ്യമായി സുഹൃത്തിനെ കാണാനുണ്ടെന്ന് തെറ്റിദ്ധരിപ്പിച്ചാണ് ഇയാള് യുവതിയെ ഇടപ്പള്ളിയിലുള്ള ഒരു വീട്ടിലെത്തിച്ചത്. ഇവിടെ വച്ച് പ്രതി യുവതിയെ പീഡിപ്പിക്കുകയായിരുന്നു.
തുടര്ന്ന് വീട്ടിലെത്തിയ പെണ്കുട്ടി വീട്ടുകാരോട് നടന്ന സംഭവങ്ങള് വിവരിച്ചു. വീട്ടുകാരാണ് പൊലീസില് പരാതി നല്കുന്നത്. തുടര്ന്ന് പോലീസ് കേസെടുത്ത് അന്വേഷണം ആരംഭിച്ചപ്പോഴേക്കും ജാനേന്ദ് ഒളിവില് പോകുകയായിരുന്നു.
ഇയാള്ക്കായി പൊലീസ് ലുക്ക് ഔട്ട് നോട്ടീസ് പുറത്തിറക്കിയിരുന്നു. മുനമ്പം സ്വദേശിയായ ജാനേന്ദിന് 28 വയസാണ്.
