India
രാഹുല് ഗാന്ധി റായ്ബറേലിയിൽ; നാമനിര്ദേശ പത്രിക സമര്പ്പിച്ചു, ഒപ്പം സോണിയ ഗാന്ധിയും പ്രിയങ്കയും
ദില്ലി: അഭ്യൂഹങ്ങള്ക്കും അനിശ്ചിതത്വങ്ങള്ക്കുമൊടുവിൽ കോണ്ഗ്രസ് നേതാവ് രാഹുല് ഗാന്ധി ഉത്തര്പ്രദേശിലെ റായ്ബറേലിയില് നാമനിര്ദേശ പത്രിക സമര്പ്പിച്ചു.
ഇന്ന് ഉച്ചയോടെയാണ് സോണിയ ഗാന്ധി, പ്രിയങ്ക ഗാന്ധി, കോണ്ഗ്രസ് അധ്യക്ഷൻ മല്ലികാര്ജുൻ ഖര്ഗെ തുടങ്ങിയവര്ക്കൊപ്പം റായ്ബറേലിയിലെത്തിയാണ് രാഹുല് വരണാധികാരിക്ക് മുമ്പാകെ നാമനിര്ദേശ പത്രിക നല്കിയത്.
റായ്ബറേലിയിലെത്തിയ രാഹുലിന് വലിയ സ്വീകരണമാണ് പ്രവര്ത്തകര് നല്കിയത്. വയനാട് ലോക്സഭ മണ്ഡലത്തിന് പുറമെയാണ് രണ്ടാം സീറ്റായി റായ്ബറേലിയില് രാഹുല് ഗാന്ധി മത്സരിക്കുന്നത്.
