അക്രമത്തിൽ പരിക്കേറ്റ കൗൺസിലർ തലാപ്പിൽ അബ്ദുൽ ജലീൽ മരിച്ചു; പ്രതി പൊലീസ് കസ്റ്റഡിയില്; മഞ്ചേരിയില് നാളെ യുഡിഎഫ് ഹര്ത്താല്
മലപ്പുറം: മഞ്ചേരി നഗരസഭാംഗം അബ്ദുള് ജലീലിനെ വെട്ടി കൊലപ്പെടുത്തിയ കേസില് ഒരാള് കസ്റ്റഡിയില്.
മഞ്ചേരി സ്വദേശി അബ്ദുള് മജീദ് ആണ് കസ്റ്റഡിയിലായത്.മറ്റൊരു പ്രതി ഷുഹൈബ് എന്ന കൊച്ചുവിന് വേണ്ടി അന്വേഷണം തുടരുകയാണെന്നും പൊലീസ് അറിയിച്ചു.
മജീദും ഷുഹൈബുമാണ് അബ്ദുല് ജലീലിന്റെ വാഹനത്തെ ബൈക്കില് പിന്തുടര്ന്ന് ആക്രമിച്ചത്. അതേസമയം, കൊലപാതകത്തില് പ്രതിഷേധിച്ച് മഞ്ചേരി നഗരസഭ പരിധിയില് നാളെ യുഡിഎഫ് ഹര്ത്താല് പ്രഖ്യാപിച്ചു. രാവിലെ 6 മുതല് ഉച്ചക്ക് ഒരു മണി വരെയാണ് ഹര്ത്താല് ആചരിക്കുക.
തലക്ക് വെട്ടേറ്റ് ഗുരുതരമായി പരിക്കേറ്റ് ചികിത്സയിലായിരുന്ന അബ്ദുള് ജലീല് രാത്രി ഏഴരയോടെയാണ് മരിച്ചത്. ഇന്നലെ രാത്രിയിലാണ് അബ്ദുള് ജലീനെ ബൈക്കിലെത്തിയ രണ്ടംഗ സംഘം വാഹന പാര്ക്കിംഗിനെ ചൊല്ലിയുള്ള തര്ക്കത്തിനിടെ ആക്രമിച്ചത്. പയ്യനാട് വച്ചാണ് അബ്ദുള് അബ്ദുള് ജലീലിന് വെട്ടറ്റത്. ബൈക്കിലെത്തിയ രണ്ടംഗ സംഘമാണ് അബ്ദുള് ജലീലിനെ ആക്രമിച്ചത്.
പാര്ക്കിംഗിനെ ചൊല്ലിയുള്ള ചെറിയ തര്ക്കമാണ് വലിയ ആക്രമത്തിലെത്തിയത്. അബ്ദുല് ജലീലടക്കമുള്ള മൂന്ന് പേര് കാറിലാണ് ഉണ്ടായിരുന്നത്. തര്ക്കത്തിന് പിന്നാലെ കാറിനെ പിന്തുടര്ന്നെത്തിയ ബൈക്ക് യാത്രികരായ രണ്ടംഗ സംഘം ഹെല്മറ്റ് ഏറിഞ്ഞ് കാറിന്റെ പിറകിലെ ചില്ല് ആദ്യം തകര്ത്തു. പിന്നാലെ കാറില് നിന്ന് പുറത്തിറങ്ങിയ അബ്ദുള് ജലീലിനെ വാളെടുത്ത് വെട്ടി. തലക്കും നെറ്റിയിലുമാണ് ആഴത്തില് മുറിവേറ്റത്.
ഗുരുതരമായി പരിക്കേറ്റ അബദുള് മജീദിനെ ആദ്യം മഞ്ചേരിയിലും പിന്നീട് പെരിന്തല്മണ്ണ സ്വകാര്യ ആശുപത്രിയില് പ്രവേശിപ്പിച്ചു. അടിയന്തിര ശസ്ത്രക്രിയകള്ക്ക് വിധേയമാക്കിയെങ്കിലും ജീവന് രക്ഷിക്കാനായില്ല. അമ്ബത്തിരണ്ട് കാരനായ അബ്ദുള് ജലീല് മഞ്ചേരി നഗരസഭയിലെ പതിനാറാം വാര്ഡ് മുസ്ലിം ലീഗ് കൗണ്സിലറാണ്.
