കോഴിക്കോട് : പേരാമ്പ്ര പന്നിമുക്കിൽ കുറുക്കന്റെ ആക്രമണത്തിൽ വയോധിക അടക്കം മൂന്നുപേർക്ക് പരിക്ക്. പന്നിമുക്ക് പിലാതോട്ടത്തിൽ താഴ ചിരുത(68)ക്ക് ആണ് പരിക്കേറ്റത്.
വീട്ടിനകത്ത് ഇരിക്കുകയായിരുന്ന വയോധികയെ പിൻവാതിലിലൂടെ കയറിയ കുറുക്കൻ ആക്രമിക്കുകയായിരുന്നു. കൈക്കും കാലിനും മുറിവേറ്റിട്ടുണ്ട്. പേരാമ്പ്ര താലൂക്ക് ഹോസ്പിറ്റലിലെ പ്രാഥമിക ചികിത്സക്ക് ശേഷം കോഴിക്കോട് മെഡിക്കൽ കോളേജിലേക്ക് മാറ്റി.
ഇവരെക്കൂടാതെ മഞ്ചാം കണ്ടി നിത്യ, പിലാറത്ത്താഴ ഷിനു എന്നിവർക്ക് നേരെയും കുറുക്കന്റെ ആക്രമണമുണ്ടായി.ഇവർ താലൂക് ആശുപത്രിയിൽ ചികിത്സ തേടി.