പയ്യോളി: പയ്യോളിയില് യുവാവിന് മര്ദനമേറ്റ സംഭവത്തില് മൂന്ന് പേരെ പൊലീസ് കസ്റ്റഡിയില് എടുത്തു. പയ്യോളി സ്വദേശികളായ അലി, ഇസ്മായില്, ഷൈജല് എന്നിവരാണ് പിടിയിലായത്. മദ്യപാനത്തെ തുടര്ന്നുള്ള തര്ക്കം കൊലപാതകത്തില് കലാശിക്കുകയായിരുന്നുവെന്ന് പൊലീസ് പറയുന്നു.
പള്ളിക്കര കുനിയില് കുളങ്ങര സഹദ് ആണ് മരിച്ചത്. ഇന്നലെ വൈകീട്ട് ആറരയോടെ പയ്യോളി ഹൈ സ്കൂളിന് സമീപത്തെ തട്ടുകടയില് വെച്ചാണ് സംഭവം നടന്നത്. മര്ദ്ദനമേറ്റ സഹദിനെ ആദ്യം കൊയിലാണ്ടി താലൂക് ആശുപത്രിയിലാണ് എത്തിച്ചത്. പരിക്ക് ഗുരുതരമായതിനാല് യുവാവിനെ പിന്നീട് കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി. എന്നാല് ജീവന് രക്ഷിക്കാന് കഴിഞ്ഞില്ല. സംഭവവുമായി ബന്ധപ്പെട്ട് രണ്ടു പേരെ ഇന്നലെ തന്നെ പൊലീസ് കസ്റ്റഡിയില് എടുത്തിരുന്നു.