കോഴിക്കോട് :പന്തീരാങ്കാവില് വീട്ടുജോലിക്ക് നിര്ത്തിയ പതിമൂന്നുകാരിക്ക് ക്രുരമര്ദ്ദനം. ബീഹാര് സ്വദേശിനിയായ പെണ്കുട്ടിക്കാണ് മര്ദനമേറ്റത്. കോഴിക്കോട്ടെ സ്വകാര്യ ആശുപത്രിയിലെ ഡോക്ടറായിട്ടുള്ള അലിഗഡ് സ്വദേശിയായ ഡോ: മിര്സ മുഹമ്മദ് ഖാനെതിരെയും അയാളുടെ ഭാര്യ റുഹാനയ്ക്കെതിരെയാണ് പന്തീരങ്കാവ് പൊലീസ് കേസ് എടുത്തത്
നാലുമാസമായി പതിമൂന്നുകാരിയെ പന്തീരാങ്കാവിലെ വീട്ടില് ജോലിക്കായി നിര്ത്തിയിരിക്കുകയായിരുന്നു. ഡോക്ടറുടെ ഭാര്യ റുഹാനയാണ് കുട്ടിയെ ബെല്റ്റ് കൊണ്ട് അടിക്കുകയും പൊള്ളലേല്പ്പിക്കുകയും ചെയ്തത്. കുട്ടിയെ ക്രൂരമായി മര്ദ്ദിക്കുന്നതുകണ്ട അയല്വാസികളാണ് വിവരം ചൈല്ഡ് ലൈന്പ്രവര്ത്തകരെ അറിയിച്ചത്.