കോഴിക്കോട് : കോഴിക്കോട് ചാത്തമംഗലം എംഇഎസ് ആര്ട്സ് ആന്ഡ് സയന്സ് കോളജില് റാഗിംങ്ങിന്റെ പേരില് മര്ദനം. ഇന്സ്റ്റഗ്രാമില് ഫോട്ടോ പോസ്റ്റ് ചെയ്തെന്ന് ആരോപിച്ച് ഒന്നാംവര്ഷ ഫാഷന് ഡിസൈനിംഗ് വിദ്യാര്ത്ഥിയായ മുഹമ്മദ് റിഷാനിനാണ് മര്ദ്ദനമേറ്റിരിക്കുന്നത്.
സംഭവത്തിൽ മുഖത്തും കണ്ണിനും പരുക്കേറ്റ വിദ്യാര്ത്ഥിയെ കോഴിക്കോട് മെഡിക്കല് കോളജില് പ്രവേശിപ്പിച്ചു. ഇന്സ്റ്റഗ്രാമിലെ പോസ്റ്റ് ഡിലീറ്റ് ചെയ്യാന് ആവിശ്യപ്പെട്ടെങ്കിലും ഇത് ചെയ്യാതെ വന്നതോടെയാണ് വിദ്യാര്ത്ഥിയെ സീനിയര് വിദ്യാര്ത്ഥികള് ക്ലാസിലെത്തി മര്ദിച്ചത്.
സംഭവത്തിൽ രണ്ടാംവര്ഷ വിദ്യാര്ഥികളായ സഫീര് , അജ്നാസ് , നൗഷില് എന്നിവര് അടക്കം ഇരുപതോളം പേര്ക്കെതിരെ മുഹമ്മദ് റിഷാന് കോളജ് അധികൃതര്ക്ക് പരാതി നല്കി. നാളെ രേഖാ മൂലം പൊലീസില് പരാതി നല്കുമെന്ന് മുഹമ്മദിന്റെ കുടുംബം അറിയിച്ചു.