വീട്ടിലെ ഇൻവെർട്ടറിൽനിന്നു ഷോക്കേറ്റ് വിമുക്തഭടൻ മരിച്ചു

കോഴിക്കോട്: ഫറോക്കിൽ വീട്ടിലെ ഇൻവെർട്ടറിൽനിന്നു ഷോക്കേറ്റ് വിമുക്തഭടൻ മരിച്ചു. പെരുമുഖം പുല്ലൂർ പറമ്പ് വാഴിയോടൻ അനീഷ് കുമാറാണ് (50) മരിച്ചത്.

വീട്ടിലെ ഇൻവെർട്ടർ വൃത്തിയാക്കുന്നതിനിടെയാണു ഷോക്കേറ്റത്. ഉടൻ കല്ലംപാറയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം കോഴിക്കോട് ഗവ.മെഡിക്കൽ കോളേജ് ആശുപത്രിയിലേക്ക് മാറ്റി.