കൊയിലാണ്ടി: മരം മുറിക്കാന് കയറിയ ആള് മരത്തില് കുടുങ്ങി. അഗ്നിരക്ഷ സേന താഴെ ഇറക്കി.ചെങ്ങോട്ടുകാവ് മേലൂര് ക്ഷേത്രത്തിനു സമീപം പ്രഭാവലയം ശ്രീലതയുടെ ഉടമസ്ഥതയിലുള്ള പറമ്പിലെ 30 അടിയുള്ള ചളിര് മരം മുറിക്കാന് കയറിയ സതീശനാണ് മരത്തില് കുടുങ്ങിയത്.
ചൊവ്വാഴ്ച ഉച്ചക്കാണ് സംഭവം. വീട്ടുകാരനായ പ്രിയദര്ശന് പെട്ടെന്ന് മരത്തില് കയറി സതീശനെ താങ്ങി നിര്ത്തി. കൊയിലാണ്ടിയില് നിന്നെത്തിയ അഗ്നിരക്ഷ സേന സുരക്ഷവല ഉപയോഗിച്ച് താഴെ ഇറക്കുകയായിരുന്നു.
എഎസ്ടിഒ മാരായ പി കെ പ്രമോദ്, മജീദ്, ജനാര്ദനന്, ഫയര് ആന്ഡ് റെസ്ക് ഓഫിസര്മാരായ ഷിജു, സിജിത്ത് അരുണ്, സനില്രാജ്, റഷീദ്, ഹോംഗാര്ഡുമാരായ സോമകുമാര്, ബാലന് എന്നിവര് രക്ഷാ പ്രവര്ത്തനത്തില് പങ്കെടുത്തു.