കൊല്ലം: വിസ്മയ കേസില് തിങ്കളാഴ്ച്ച വിധി പറയും. കൊല്ലം അഡിഷണല് സെഷന്സ് കോടതിയാണ് വിധി പറയുക. ജൂൺ 21 ന് വിസ്മയയെ പോരുവഴിയിലെ ഭര്ത്താവിന്റെ വീട്ടില് ആത്മഹത്യ ചെയ്ത നിലയില് കണ്ടെത്തുകയായിരുന്നു. തുടര്ന്ന് ഭര്ത്താവിനെ പൊലീസ് അറസ്റ്റ് ചെയ്തു. കേസില് ഭര്ത്താവ് കിരണ് കുമാര് മാത്രമാണ് പ്രതി. വിസ്മയയുടേത് സ്ത്രീധന പീഡനത്തെ തുടർന്നുള്ള ആത്മഹത്യയെന്നാണ് കുറ്റപത്രം പറയുന്നത്.
ആത്മഹത്യാ പ്രേരണയടക്കം ഒന്പത് വകുപ്പുകൾ ചുമത്തിയാണ് കുറ്റപത്രം നൽകിയിരിക്കുന്നത്. വിസ്മയയുടേത് ആത്മഹത്യ തന്നെയെന്ന് ബോധ്യപ്പെട്ടതായി കൊല്ലം റൂറൽ എസ് പി കെ ബി രവി നേരത്തെ പറഞ്ഞിരുന്നു. 500 പേജുള്ള കുറ്റപത്രമാണ് കോടതിയിൽ സമർപ്പിച്ചത്. 42 സാക്ഷികളുണ്ട്, 92 റെക്കോർഡുകളും 56 തൊണ്ടിമുതലുകളുമാണ് കേസിലുള്ളത്. സംഭവം നടന്ന് ഒരുവര്ഷം പൂര്ത്തിയാകുന്നതിന് മുന്പാണ് വിധി പറയുന്നത്.