കോട്ടയം: നടൻ കോട്ടയം പ്രദീപ് അന്തരിച്ചു. ഹൃദയാഘാതം മൂലം ഇന്ന് (വ്യാഴാഴ്ച) പുലര്ച്ചെ 4.15-ഓടെ ആയിരുന്നു അന്ത്യം.
ദേഹാസ്വാസ്ഥ്യം അനുഭവപ്പെട്ടതിനെത്തുടര്ന്ന് സുഹൃത്തിനൊപ്പം ആശുപത്രിയില് എത്തിയെങ്കിലും ജീവന് രക്ഷിക്കാനായില്ല.
ഐവി ശശി സംവിധാനം ചെയ്ത ‘ഇ നാട് ഇന്നലെ വരെ’ എന്ന ചിത്രത്തിലൂടെയാണ് ജൂനിയർ ആർട്ടിസ്റ്റായി കരിയർ ആരംഭിച്ച പ്രദീപ് അഭിനയ രംഗത്തെത്തുന്നത്.
വിണ്ണൈത്താണ്ടി വരുവായാ, തട്ടത്തിൻ മറയത്ത്, ആട്, വടക്കന് സെല്ഫി, കട്ടപ്പനയിലെ ഋത്വിക് റോഷന്, തോപ്പില് ജോപ്പന്, കുഞ്ഞിരാമായണം തുടങ്ങിയവ പ്രധാന ചിത്രങ്ങളായിരുന്നു.
സംസ്കാരം പൊതു ദർശനം തുടങ്ങിയ കാര്യങ്ങൾ തീരുമാനമായിട്ടില്ല.