പാലക്കാട്: പവര്കട്ട് സമയത്ത് ലിഫ്റ്റില് കുടുങ്ങിയ യുവാവിനെ രക്ഷപ്പെടുത്തി ഫയര്ഫോഴ്സ്. പാലക്കാട് വടക്കഞ്ചേരിയിലാണ് സംഭവം.
കിഴക്കഞ്ചേരി വടക്കത്തറ സ്വദേശി മഹേഷ് ആണ് പവര്കട്ട് സമയത്ത് ലിഫ്റ്റില് കുടുങ്ങി പോയത്. വടക്കഞ്ചേരി ടൗണിലെ ജിം പരിശീലന കേന്ദ്രത്തില് പോയതായിരുന്നു യുവാവ്.
പരിശീലന സമയം കഴിഞ്ഞ് 8.25 ഓടെ ലിഫ്റ്റ് വഴി ഇറങ്ങുന്നതിനിടെ പെട്ടെന്ന് വൈദ്യുതി മുടങ്ങിയത്. ലിഫ്റ്റില് കുടുങ്ങിയ മഹേഷ് ശബ്ദം വെച്ചപ്പോഴാണ് മറ്റ് സുഹൃത്തുക്കള് വിവരമറിയുന്നത്.
എന്നാല് വൈദ്യുതി നിയന്ത്രണം ആയതിനാല് സുഹൃത്തുക്കള് അരമണിക്കൂര് കാത്തിരുന്നു. പവര് സപ്ലൈ വന്നിട്ടും ലിഫ്റ്റ് ഓപ്പണ് ആകാതെ വന്നതോടെയാണ് വടക്കഞ്ചേരി ഫയര്ഫോഴ്സിനെ വിവരമറിയിച്ചത്.പെട്ടെന്ന് തന്നെ ഫയര്ഫോഴ്സ് എത്തി ഒമ്പതരയോടെ മഹേഷിനെ പുറത്തെത്തിക്കുകയായിരുന്നു.