കോഴിക്കോട് : നാദാപുരത്ത് സ്വകാര്യ വ്യാപാരസ്ഥാപനത്തിലെ ജീവനക്കാരിക്ക് പാമ്പ് കടിയേറ്റു. കക്കട്ട്സ്വദേശിനി സിന്ധു(41)വിനാണ് കടിയേറ്റത്. ഭക്ഷണം കഴിച്ച് കഴിഞ്ഞ് വാഷ്ബേസിൽ നിന്ന് കൈ കഴുകുന്നതിനിടയിലാണ് പാമ്പ് കടിയേറ്റത്.
ഉടനെ തന്നെ സിന്ധുവിനെ നാദാപുരം ഗവണ്മെന്റ് താലൂക്ക് ആശുപത്രിയിൽ എത്തിചക്ക പ്രാഥമിക ചികിത്സ നൽകിയ ശേഷം വടകര ജില്ലാ ആശുപത്രിയിലേക്ക് മാറ്റിയിട്ടുണ്ട്.
വാഷ്ബേസിനോട് ചെയർന്ന ചെറിയ ദ്വാരത്തിലായിരുന്നു പാമ്പ് ഉണ്ടായിരുന്നത്. അതിനിടയിൽ കൈ കഴുകാൻ അടുത്തേക്ക് എത്തിയ സിന്ധുവിന്റെ കൈയിൽ പാമ്പ് കടിക്കുകയായിരുന്നു. ചെറിയ ഒരു പാമ്പാണ് കടിച്ചതെങ്കിലും ഏത് ഇനത്തിൽ പെട്ടതാണെന്ന് തിരിച്ചറിഞ്ഞിട്ടില്ല.