കല്പറ്റ: 500 ഓളം ജീവനുകള് കവര്ന്ന വയനാട്ടിലെ ഉരുള്പൊട്ടല് ദുരന്തപ്രദേശത്ത് സന്ദര്ശനം നടത്തുന്നതിനായി പ്രധാനമന്ത്രി നരേന്ദ്ര മോദി എത്തുന്നു. രാവിലെ 11 മണിയോടെ കണ്ണൂര് വിമാനത്താവളത്തിലെത്തുന്ന പ്രധാനമന്ത്രി ഉച്ചയ്ക്ക് 12.10 വരെ ദുരന്തമുണ്ടായ പ്രദേശങ്ങളില് വ്യോമനിരീക്ഷണം നടത്തും.
തുടര്ന്ന് ഉച്ചയ്ക്ക് 12.15 മുതല് ദുരന്തപ്രദേശങ്ങള് സന്ദര്ശിക്കും. ദുരിതാശ്വാസക്യാമ്പിലും ആശുപത്രിയിലും കഴിയുന്നവരുമായി സംസാരിക്കും. തുടര്ന്ന് വയനാട് കളക്ടറേറ്റില് എത്തുന്ന അദ്ദേഹം അവലോകനയോഗത്തില് പങ്കെടുക്കും. 3.15-ന് തിരികെ കണ്ണൂരിലേക്ക് മടങ്ങും. വൈകീട്ട് 3.55-ന് കണ്ണൂര് അന്താരാഷ്ട്ര വിമാനത്താവളത്തില്നിന്ന് ഡല്ഹിയിലേക്ക് തിരിക്കും.