ഇടുക്കി: പ്രശസ്ത നാടക നടൻ എം.സി കട്ടപ്പനയെന്നറിയപ്പെടുന്ന ഇടുക്കി കട്ടപ്പന മങ്ങാട്ട് എം.സി ചാക്കോ (75) അന്തരിച്ചു. വാർധക്യ സഹജമായ അസുഖത്തെ തുടന്ന് ചികിത്സയിലായിരുന്നു.
1977-ല് ആറ്റിങ്ങല് ദേശാഭിമാനി തിയേറ്റേഴ്സിന്റെ ‘പുണ്യതീര്ത്ഥംതേടി’ എന്ന പ്രൊഫഷണല് നാടകത്തിലാണ് ആദ്യമായി അഭിനയിച്ചത്. തുടര്ന്ന് മുപ്പതോളം പ്രൊഫഷണല് നാടകങ്ങളിലായി ഏഴായിരത്തിലധികം വേദികളില് അഭിനയിച്ചു.
2007-ല് കൊല്ലം അരീനയുടെ ‘ആരും കൊതിക്കുന്നമണ്ണ്’ എന്ന നാടകത്തിലെ അഭിനയത്തിന് മികച്ച നടനുള്ള സംസ്ഥാന സര്ക്കാര് അവാര്ഡ് ലഭിച്ചു. 2014 ല് കേരള സംഗീത നാടക അക്കാദമിയുടെ അഭിനയശ്രീ പുരസ്കാരവും ലഭിച്ചു.
‘കാഴ്ച’, ‘പകല്’, ‘പളുങ്ക്’, ‘നായകന്’ തുടങ്ങി സിനിമകളിലും 25 ഓളം സീരിയലുകളിലും അഭിനയിച്ചിട്ടുണ്ട്. സംസ്കാരം നാളെ രാവിലെ 9.30 കട്ടപ്പന സെൻറ് ജോജ്ജ് പള്ളി സെമിത്തേരിയിൽ.