ഇന്ത്യൻ നായകൻ രോഹിത് ശർമ്മയ്ക്ക് റെക്കോർഡ്. ഏകദിനത്തിൽ ഒരു കലണ്ടർ വർഷം ഏറ്റവും കൂടുതൽ സിക്സറുകൾ നേടുന്ന താരം. മുൻ ദക്ഷിണാഫ്രിക്കൻ താരം എ.ബി ഡിവില്ലിയേഴ്സിന്റെ റെക്കോർഡാണ് രോഹിത് ശർമ്മ മറികടന്നത്. ബെംഗളൂരുവിൽ നെതർലൻഡ്സിനെതിരായ മത്സരത്തിലാണ് രോഹിത് റെക്കോർഡ് തിരുത്തിയത്.
2023ൽ ഇതുവരെ 24 ഇന്നിംഗ്സുകളിൽ നിന്നായി 59 സിക്സറുകൾ താരം അടിച്ചിട്ടുണ്ട്. ഡിവില്ലിയേഴ്സ് 18 ഇന്നിംഗ്സുകളിൽ 58 സിക്സുകൾ(2015), ക്രിസ് ഗെയ്ൽ 15 ഇന്നിംഗ്സുകളിൽ 56 സിക്സറുകൾ(2019), ഷാഹിദ് അഫ്രീദി 36 ഇന്നിംഗ്സുകളിൽ നിന്ന് 48 സിക്സറുകൾ(2002) എന്നിവർ പട്ടികയിൽ രണ്ടും മൂന്നും നാലും സ്ഥാനത്താണ്.