കുമ്പള: ബസ് യാത്രക്കിടെ കൈ പുറത്തിട്ട വിദ്യാർത്ഥിക്ക് ലോറി തട്ടി പരിക്ക്. മംഗളൂരുവിലെ കോളേജിൽ വിദ്യാർത്ഥിയായ നിശാന്തി(22)നാണ് പരിക്കേറ്റത്. വെള്ളിയാഴ്ച രാവിലെ ഷിറിയയിലാണ് അപകടം. മംഗളൂരുവില് നിന്ന് കാസർഗോഡ് ഭാഗത്തേക്ക് വരികയായിരുന്ന കര്ണാടക ട്രാന്സ്പോര്ട്ട് ബസില് യാത്രക്കാരനായിരുന്നു നിശാന്ത്.
ഷിറിയയിൽവെച്ച് മംഗളൂരു ഭാഗത്തേക്ക് പോവുകയായിരുന്ന ഗ്യാസ് സിലിണ്ടര് കയറ്റി ലോറി ബസിൽ ഉരസുകയായിരുന്നു. ബസിന്റെ പിറക് വശത്തെ സീറ്റിൽ ഇരുന്ന് യാത്ര ചെയ്യുകയായിരുന്ന നിശാന്ത് കൈ പുറത്തിട്ടിരുന്നു. അപകടത്തിൽ വലതുകൈക്ക് പരിക്കേറ്റു. വിദഗ്ധ ചികിത്സക്കായി മംഗളൂരുവിലെ ആശുപത്രിയില് പ്രവേശിപ്പിച്ചു.