ഇന്ത്യൻ ഓപ്പണിംഗ് ബാറ്റർ ശുഭ്മാൻ ഗിൽ ഏറ്റവും പുതിയ ഐസിസി പുരുഷ ഏകദിന ബാറ്റിംഗ് റാങ്കിംഗിൽ കരിയറിലെ ഏറ്റവും ഉയർന്ന റാങ്കിംഗിൽ എത്തി. ഗിൽ പുതിയ റാങ്കിംഗിൽ രണ്ടാം സ്ഥാനത്തേക്കാണ് ഉണർന്നത്. നിലവിൽ ടോപ്പ്-10ൽ ഗിൽ അടക്കം മൂന്ന് ഇന്ത്യൻ കളിക്കാർ ഉണ്ട്, 2019 ജനുവരിക്ക് ശേഷം ഇതാദ്യമായാണ് മൂന്ന് ഇന്ത്യൻ താരങ്ങൾ റാങ്കിംഗിൽ ആദ്യ പത്തിൽ എത്തുന്നത്.
പാകിസ്താനെതിരെ 58 റൺസ് നേടിയത് ഗില്ലിന് സഹായകരമായി. രോഹിതും വിരാട് കോഹ്ലിയും രണ്ട് റാങ്കുകൾ മെച്ചപ്പെടുത്തി. ഇപ്പോൾ കോഹ്ലി എട്ടാം സ്ഥാനത്തും രോഹിത് ഒമ്പതാം സ്ഥാനത്തുമാണ്.
തുടർച്ചയായ രണ്ട് അർധസെഞ്ചുറികൾ രോഹിതിന്റെ ഉയർച്ചയ്ക്ക് സഹായകമായി. പാക്കിസ്ഥാനെതിരായ 122 റൺസിന്റെ ഇന്നിംഗ്സ് കോഹ്ലിയെയും മുന്നിലേക്ക് എത്തിച്ചു. ബാബർ അസം ആണ് റാങ്കിംഗിൽ ഒന്നാമത് ഉള്ളത്. ബാബറിന് 863 പോയിന്റും ഗില്ലിന് 759 പോയിന്റുമാണുള്ളത്.