കൽപറ്റ : വയനാട്ടിൽ ടിപ്പറും ഇന്നോവ കാറും കൂട്ടിയിടിച്ച് രണ്ടു യുവാക്കൾ മരിച്ചു. കണ്ണൂര് മാട്ടൂല് സ്വദേശികളായ അഫ്രീദ്, മുനവർ എന്നിവരാണ് മരിച്ചത്. ഒരാളുടെ നില ഗുരുതരമാണ്. പനമരത്തിനു സമീപം പച്ചിലക്കാട് തിങ്കളാഴ്ച രാവിലെ പത്തോടെയാണ് അപകടം. ഇടിയുടെ ആഘാതത്തിൽ കാർ പൂർണമയും തകർന്നു.
കോഴിക്കോട് ഭാഗത്തു നിന്നു മാനന്തവാടി ഭാഗത്തേക്ക് മണല് കയറ്റി ടോറസും ഇന്നോവ കാറുമാണ് അപകടത്തില്പ്പെട്ടത്. മൃതദേഹങ്ങള് കല്പറ്റ ജനറല് ആശുപത്രിയിലാണുള്ളത്. ഗുരുതരമായി പരിക്കേറ്റ സഹയാത്രികനെ മേപ്പാടി വിംസ് ആശുപത്രിയിൽ പ്രവേശിപ്പിച്ചു.