സുല്ത്താന്ബത്തേരി: വീട്ടുകാര് പുറത്തുപോയ തക്കം നോക്കി മോഷണം. താഴത്തൂര് കോല്ക്കുഴി വീട്ടില് യശോധയുടെ വീട്ടിലാണ് മോഷണം നടന്നത് . ഏഴ് പവന് സ്വര്ണവും ഇരുപതിനായിരം രൂപയും കവര്ന്നത്. സംഭവത്തിൽ നുല്പ്പുഴ പൊലീസിൽ ഇത് സംബന്ധിച്ച പരാതി നല്കി. രോഗിയായ യശോധ ചീരാലിലെ വീട്ടില് തനിച്ചാണ് താമസിച്ചിരുന്നത്. എന്നാല് മൂന്നാഴ്ചയായി വൈത്തിരിയിലുള്ള സഹോദരിയുടെ വീട്ടിലായിരുന്നു.
വിവാഹം കഴിച്ച് അയച്ച മകള് സ്വര്ണവും പണവും സൂക്ഷിക്കാന് അമ്മയെ ഏല്പ്പിച്ചതാണ്. മകള് ഊട്ടിയിലാണ് താമസം. ആ സ്വര്ണമാണ് മോഷ്ടാക്കള് കൊണ്ടുപോയിരിക്കുന്നതെന്നാണ് വിവരം. ഞായറാഴ്ച രാവിലെ അടുക്കള വാതില് തുറന്നു കിടക്കുന്നത് കണ്ട അയല്വാസികള് യശോധയെയും നൂല്പ്പുഴ പോലീസിനെയും വിവരം അറിയിക്കുകയായിരുന്നു.
അയല്വാസികള് വിവരം അറിയിച്ചതനുസരിച്ച് എത്തിയ പൊലീസ് വീടിനകം പരിശോധിച്ചപ്പോൾ . മുറിക്കകത്ത് മുളക് പൊടി വിതറിയ നിലയിലും അലമാര കുത്തിതുറന്ന് വസ്ത്രങ്ങളും മറ്റും വാരിവലിച്ചിട്ടനിലയിലുമായിരുന്നു. നൂല്പ്പുഴ പൊലീസ് സബ് ഇന്സ്പെക്ടര്മാരായ മുസ്തഫയുടെയും ബാലകൃഷ്ണന്റെയും നേതൃത്വത്തില് ആണ് പൊലീസ് സ്ഥലത്തെത്തി പരിശോധന നടത്തിയത്.
പ്രദേശത്ത് തന്നെയുള്ള മോഷ്ടാക്കളില് ആരെങ്കിലുമാണോ അതോ പ്രൊഫഷണല് മോഷണ സംഘങ്ങളാണോ കൃത്യത്തിന് പിന്നിലെന്ന് പൊലീസ് പരിശോധിക്കുകയാണ്.