എറണാകുളം: ഇന്ത്യന് മെഡിക്കല് അസോസിയേഷന് (ഐ.എം.എ) രാവിലെ 6 മുതല് വൈകിട്ട് 6 വരെ സംസ്ഥാന വ്യാപകമായി നാളെ പണിമുടക്കും. കോഴിക്കോട് ഫാത്തിമ ആശുപത്രിയിലെ ഡോക്ടറെ ആക്രമിച്ചതില് പ്രതിഷേധിച്ചാണ് പണിമുടക്ക്. പണിമുടക്കില് കേരള ഗവ: പോസ്റ്റ് ഗ്രാജ്വേറ്റ് മെഡിക്കല് ടീച്ചേഴ്സ് അസോസിയേഷന്, കേരള ഗവ: സ്പെഷലിസ്റ്റ് ഡോക്ടേഴ്സ് അസോസിയേഷന്, ഇന്ത്യന് ഡെന്റല് അസോസിയേഷന് എന്നിവയും പങ്കെടുക്കും.
നാളെ സ്വകാര്യ, സര്ക്കാര് ആശുപത്രികളില് ഒ.പി വിഭാഗം പ്രവര്ത്തിക്കില്ല. അത്യാഹിത വിഭാഗം പ്രവര്ത്തിക്കും. മുന്കൂട്ടി നിശ്ചയിച്ച ശസ്ത്രക്രിയകളുണ്ടാകില്ല. അടിയന്തര ശസ്ത്രക്രിയകള് നടത്തും. ഡെന്റല് ക്ലിനിക്കുകള് അടഞ്ഞുകിടക്കും. സ്വകാര്യ മെഡിക്കല് കോളജുകളില് അത്യാഹിത വിഭാഗവും അടിയന്തര ശസ്ത്രക്രിയാ വിഭാഗവും മാത്രമേ പ്രവർത്തിക്കുകയുള്ളു.