സംസ്ഥാനത്ത് 1208 കോടി രൂപയുടെ പാലം നിർമ്മാണ പ്രവർത്തികൾ പുരോഗമിക്കുന്നെന്ന് പൊതുമരാമത്ത് ടൂറിസം മന്ത്രി പി എ മുഹമ്മദ് റിയാസ്. സർക്കർ അധികാരത്തിലേറിയ ശേഷം 35 പാലങ്ങളുടെ നിർമ്മാണം പൂർത്തിയാക്കിയെന്നും മന്ത്രി വ്യക്തമാക്കി.
ടൂറിസം സാധ്യതകളെ എല്ലാ നിലയിലും പ്രയോജനപ്പെടുത്തുമെന്നും അദ്ദേഹം പറഞ്ഞു. ചരിത്രസാംസ്കാരിക പ്രാധാന്യമര്ഹിക്കുന്ന കേരളത്തിൽ ടൂറിസം സാധ്യതകള് പരമാവധി പ്രയോജനപ്പെടുത്തുമെന്നും മന്ത്രി പറഞ്ഞു.
തീരദേശ മേഖലയിലെ ടൂറിസം വികസനത്തിന് പ്രത്യേക പദ്ധതി തയ്യാറാക്കുമെന്ന് മന്ത്രി പറഞ്ഞു. ഒഴിഞ്ഞുകിടക്കുന്ന പൊതു ഇടങ്ങള് തിരിച്ചു പിടിച്ച് ടൂറിസം കേന്ദ്രങ്ങളാക്കി മാറ്റും. ഇതിന്റെ രൂപരേഖ തയ്യാറാക്കിക്കഴിഞ്ഞു. മേല്പ്പാലങ്ങള്ക്ക് താഴെയുള്ള സ്ഥലങ്ങള്, ഭക്ഷണത്തെരുവ്, കുട്ടികളുടെ പാര്ക്ക് എന്നിവയ്ക്കായി വിനിയോഗിക്കുമെന്നും മന്ത്രി പറഞ്ഞു.