6 വര്ഷങ്ങള്ക്കുശേഷം അര്ജന്റീനയ്ക്കായി കപ്പ് നേടിയെടുത്ത ലയണല് മെസിക്ക് അഭിനന്ദനങ്ങളുമായി ബ്രസീലിയന് സൂപ്പര് താരം നെയ്മര്.
സഹോദരന് അഭിനന്ദനങ്ങള് എന്നർത്ഥം വരുന്ന സ്പാനിഷ് ഭാഷയിലുള്ള ഒറ്റവരിയിലൂടെയായിരുന്നു മത്സരത്തിന് ശേഷം നെയ്മറുടെ ട്വീറ്റ്.
കപ്പില് തൊട്ടുനിന്ന് പുഞ്ചിരിക്കുന്ന മെസിയുടെ ചിത്രത്തോടൊപ്പമാണ് നെയ്മറുടെ ട്വീറ്റ്. നെയ്മറിന്റെ ബ്രസീല് ക്വാര്ട്ടര് ഫൈനല് മത്സരത്തില് ക്രൊയേഷ്യയോട് പരാജയപ്പെട്ട് പുറത്തായിരുന്നു.
ഫുട്ബാള് ചരിത്രം കണ്ട ഇതിഹാസകാരന്മാരില് അഗ്രഗണ്യരിലൊരാളായ മെസി ലോകപോരാട്ട വേദിയില് അവസാന മത്സരം കളിച്ചുതീര്ത്തപ്പോള് മറഡോണയില് നിര്ത്തിയ വിജയ ചരിത്രമാണ് കാലം മിശിഹായുടെ പൂര്ത്തിയാക്കുന്നത്.
ആവേശം നുരഞ്ഞുപൊന്തിയ ഖത്തര് കലാശപ്പോരാട്ടത്തില് പെനാല്റ്റി ഷൂട്ടൗട്ടില് ഫ്രാന്സിനെ 4-2 ന് തകര്ത്താണ് ലോകമെമ്പാടുമുള്ള അര്ജന്റീനിയന് ആരാധകരുടെ പ്രാര്ത്ഥന മിശിഹാ നിറവേറ്റിയത്.
നിശ്ചിത സമയത്ത് ഇരു ടീമുകളും രണ്ടു ഗോള് വീതമടിച്ചും എക്സ്ട്രാ ടൈമില് മൂന്നു ഗോള് വീതമടിച്ചും സമനില പാലിച്ചതോടെയാണ് വിജയികളെ കണ്ടെത്താന് ഷൂട്ടൗട്ട് വേണ്ടിവന്നത്. ഷൂട്ടൗട്ടില് അര്ജന്റീനയ്ക്കായി മെസി, പൗലോ ഡിബാല, ലിയാന്ഡ്രോ പരേദസ്, മോണ്ടിയാല് എന്നിവര് ലക്ഷ്യം കണ്ടപ്പോള്, ഫ്രാന്സിനായി ലക്ഷ്യം കണ്ടത് കിലിയന് എംബപെ, കോളോ മുവാനി എന്നിവര് മാത്രമായിരുന്നു.