പാലക്കാട്: കൂറ്റനാടിന് സമീപം പെരുമണ്ണൂരില് ഇടിച്ചു വീഴ്ത്താന് ശ്രമിച്ച ബസ് തടഞ്ഞു നിര്ത്തി യുവതി. പാലക്കാട് നിന്ന് ഗുരുവായൂരിലേക്ക് പോകുന്ന രാജപ്രഭ ബസാണ് തടഞ്ഞത്. ബസ് ഓവര് ടേക്ക് ചെയ്യുന്നതിനിടെ ഇരു ചക്രവാഹനത്തിലുണ്ടായിരുന്ന സാന്ദ്ര എന്ന യുവതി തലനാരിഴയ്ക്കാണ് രക്ഷപ്പെട്ടത്.
ഒന്നരകിലോമീറ്ററോളം ബസിനെ പിന്തുടര്ന്നാണ് യുവതി തടഞ്ഞുനിര്ത്തിയത്. മുന്പ് രണ്ടോ മൂന്നോ തവണ സമാനമായ അനുഭവം ഉണ്ടായിട്ടുണ്ടെന്നും അതിനാല് പ്രതികരിച്ചതെന്നും സാന്ദ്ര പറഞ്ഞു. വണ്ടി തടഞ്ഞുനിര്ത്തി സംസാരിച്ചപ്പോള് ബസ് ഡ്രൈവര് ചെവിയില് ഹെഡ്ഫോണ് തിരുകിവെച്ചിരിക്കുകയായിരുന്നുവെന്നും സാന്ദ്ര പറഞ്ഞു.