കേരളത്തെ നടുക്കിയ വിസ്മയയുടെ ആത്മഹത്യയുമായി ബന്ധപ്പെട്ട് ഭര്ത്താവും പ്രതിയുമായ കിരണ്കുമാറിനെ സര്വീസില് നിന്ന് പിരിച്ചുവിട്ട് ഉത്തരവിറക്കി. പിരിച്ചുവിടാതിരിക്കാന് പതിനഞ്ച് ദിവസത്തിനകം വിശദീകരണം നല്കാന് നോട്ടിസയച്ചിരുന്നെങ്കിലും മറുപടി ലഭിച്ചിരുന്നില്ല. തുടര്ന്ന് ഇന്ന് വൈകിട്ടോടെ പിരിച്ചുവിടാനുള്ള ഉത്തരവ് പുറത്തിറക്കുകയായിരുന്നു.
കഴിഞ്ഞ ആറാം തീയതിയാണ് അസി. മോട്ടോര് വെഹിക്കിള് ഇന്സ്പെക്ടറായ കിരണ്കുമാറിനെ സര്വീസില്നിന്ന് പിരിച്ചുവിട്ടത്.കൊല്ലത്തെ മോട്ടോര് വാഹനവകുപ്പ് റീജ്യണല് ഓഫീസില് അസിസ്റ്റന്റ് മോട്ടോര് വെഹിക്കില് ഇന്സ്പെക്ടറായിരുന്നു കിരണ്.
സ്ത്രീധന പീഡനത്തെ തുടര്ന്ന് ഭാര്യ മരണപ്പെട്ടതു മൂലം ഭര്ത്താവിനെ സര്വീസില്നിന്ന് പിരിച്ചുവിടുന്നത് കേരളത്തില് ആദ്യമായിട്ടാണെന്ന് മന്ത്രി പറഞ്ഞു. വകുപ്പ് തല അന്വേഷണം നടത്തിയതിന് ശേഷം, സംശയാതീതമായി കുറ്റം ചെയ്തെന്ന് തെളിഞ്ഞതിനെത്തുടര്ന്നാണ് കിരണിനെ പിരിച്ചുവിട്ടത്.
1960-ലെ കേരള സിവിള് സര്വീസ് റൂള് പ്രകാരമാണ് കിരണിനെ സര്വീസില് നിന്ന് പിരിച്ചുവിട്ടത്. കിരണിന് ഇനി സര്ക്കാര് സര്വീസില് തുടര്ജോലിയും ലഭിക്കില്ല. പ്രൊബേഷനിലായിരുന്നതിനാല് പെന്ഷനും അര്ഹതയുണ്ടാവില്ല. കിരണിനെതിരെ വിസ്മയയുടെ ആത്മഹത്യയെത്തുടര്ന്ന് വകുപ്പ് തല അന്വേഷണം നടത്തിയിരുന്നു.