ന്യൂഡല്ഹി: പ്രമുഖ മരുന്ന് കമ്പനിയായ സൈഡസ് കാഡിലയുടെ കോവിഡ് വാക്സിന് അനുമതി. സൂചി രഹിത വാക്സിന് മൂന്ന് ഡോസ് എടുക്കണം. ജെറ്റ് ഇന്ജെക്ടര് ഉപയോഗിച്ചാണ് കുത്തിവയ്പ്. 66.66 ശതമാനമാണ് ഫലപ്രാപ്തി
മൂന്ന് ഡോസുള്ള വാക്സിന് അടിയന്തര ഉപയോഗത്തിന് അനുമതി നല്കാന് ഡ്രഗ്സ് കണ്ട്രോളറുടെ കീഴിലുള്ള വിദഗ്ധ സമിതിയാണ് ശുപാര്ശ നല്കിയിരുന്നു. സൈക്കോവ് ഡിയുടെ രണ്ടാം ഡോസുമായി ബന്ധപ്പെട്ട് കൂടുതല് വിവരങ്ങള് കൈമാറാന് സൈഡസ് കാഡിലയ്ക്ക് വിദഗ്ധ സമിതി നിര്ദേശം നല്കി.
അവസാനഘട്ട പരീക്ഷണത്തില് 66.6 ശതമാനം ഫലപ്രാപ്തിയാണ് സൈക്കോവ് ഡി കാണിച്ചത്. 28,000 പേരിലാണ് പരീക്ഷണം നടത്തിയത്. ഡ്രഗ്സ് കണ്ട്രോളറുടെ അംഗീകാരം ലഭിച്ചാല് രാജ്യത്ത് വാക്സിന് വിതരണത്തിന് അനുമതി ലഭിക്കുന്ന ആറാമത്തെ വാക്സിനാവും സൈക്കോവ് ഡി. നിലവില് കോവാക്സിന്, കോവിഷീല്ഡ്, മോഡേണ, സ്പുട്നിക് , ജോണ്സണ് ആന്റ് ജോണ്സണ് എന്നി വാക്സിനുകള്ക്കാണ് അംഗീകാരം ലഭിച്ചത്