സ്വർണപ്രേമികളെ ഞെട്ടിച്ച് വിലക്കയറ്റം; ഒറ്റയടിക്ക് കൂടിയത് ആയിരത്തിലധികം രൂപ

സംസ്ഥാനത്ത് സ്വർണവിലയിൽ വീണ്ടും വലിയ കുതിച്ചുചാട്ടം. ഒരൊറ്റ ദിവസത്തിനുള്ളിൽ പവന് 1000 രൂപയിലധികമാണ് വർധിച്ചിരിക്കുന്നത്. കഴിഞ്ഞ ദിവസങ്ങളിൽ സ്വർണവിലയിൽ തുടർച്ചയായ ഇടിവുകൾ രേഖപ്പെടുത്തിയിരുന്നെങ്കിലും, കഴിഞ്ഞ രണ്ടു ദിവസങ്ങളായി വില കുത്തനെ ഉയരുന്നതോടെ സ്വർണാഭരണ പ്രേമികൾ ആശങ്കയിലാണ്.

ഇന്നത്തെ വിപണി നിരക്ക് പ്രകാരം ഒരു പവൻ സ്വർണത്തിന് 1,14,280 രൂപയാണ് വില. ഒരു ഗ്രാം സ്വർണത്തിന്റെ വില 14,285 രൂപയായും ഉയർന്നു. ഇന്നലെ ഒരു പവൻ സ്വർണത്തിന്റെ വില 1,13,240 രൂപയായിരുന്നു. ഇതിൽ നിന്നും 1040 രൂപയുടെ വർധനവാണ് ഇന്ന് ഉണ്ടായിരിക്കുന്നത്.

അതുപോലെ, ഇന്നലെ ഗ്രാമിന് 14,155 രൂപയായിരുന്നത് 130 രൂപ വർധിച്ചാണ് 14,285 രൂപയിലെത്തിയത്. ഈ മാസത്തെ ഇതുവരെയുള്ള കണക്കുകൾ പരിശോധിക്കുമ്പോൾ, ഏറ്റവും ഉയർന്ന സ്വർണവില രേഖപ്പെടുത്തിയത് സെപ്റ്റംബർ ഒന്നിനാണ്. അന്ന് ഒരു പവന് 1,15,080 രൂപയും ഗ്രാമിന് 14,385 രൂപയുമായിരുന്നു വില.

എന്നാൽ ഏറ്റവും കുറഞ്ഞ നിരക്ക് രേഖപ്പെടുത്തിയത് സെപ്റ്റംബർ രണ്ടിനാണ്; അന്ന് പവന് 1,11,480 രൂപയും ഗ്രാമിന് 13,935 രൂപയുമായിരുന്നു നിരക്ക്. വിപണിയിലെ ഈ തുടർച്ചയായ മാറ്റങ്ങൾ സാധാരണക്കാരായ ഉപയോക്താക്കളെയാണ് ഏറെ വലയ്ക്കുന്നത്.