ന്യൂഡല്ഹി: മുന് കേന്ദ്ര ആഭ്യന്തര മന്ത്രിയും മുതിര്ന്ന കോണ്ഗ്രസ് നേതാവുമായ ശിവരാജ് പാട്ടീല് അന്തരിച്ചു. 91 വയസായിരുന്നു. മഹാരാഷ്ട്രയിലെ ലാത്തൂരില് വെച്ച് ഇന്ന് രാവിലെയായിരുന്നു അന്ത്യം. വാര്ദ്ധക്യസഹജമായ ബുദ്ധിമുട്ടുകളെ തുടര്ന്ന് കുറച്ച് നാളുകളായി വീട്ടില് തന്നെ ചികിത്സയിലായിരുന്നു.
മുംബൈ ഭീകരാക്രമണം നടക്കുമ്പോള് ആഭ്യന്തര മന്ത്രിശിവരാജ് പാട്ടീലായിരുന്നു . ഭീകരാക്രമണത്തെ തുടര്ന്ന് അദ്ദേഹം ആഭ്യന്തര മന്ത്രി സ്ഥാനം രാജിവെക്കുകയായിരുന്നു. ഏഴ് തവണയാണ് ലാത്തൂര് ലോക്സഭാ സീറ്റില് നിന്നും ശിവരാജ് പാട്ടീല് തെരഞ്ഞെടുക്കപ്പെട്ടത്. എന്നാല് 2004ല് ബിജെപിയുടെ രുപാതായ് പട്ടീല് നീലന്ഗേകറുമായി പരാജയപ്പെട്ടു.