കൊച്ചിയിൽ പുതുവത്സരാഘോഷങ്ങൾക്കായി കൊണ്ടുവന്ന ലഹരിമരുന്നുകളുമായി യുവതിയടക്കം 6 പേർ പിടിയിൽ. കാക്കനാട്ടെ ഫ്ലാറ്റിൽ നിന്നാണ് ഇവരെ പിടികൂടിയത്. ന്യൂ ഇയറുമായി ബന്ധപ്പെട്ട് വ്യാപകമായ പരിശോധനയാണ് എക്സൈസും പൊലീസും ചേർന്ന് നടത്തിയത്. ഈ പരിശോധനയിലാണ് ഇവർ പിടിയിലായത്.
എംഡിഎംഎയും ഹാഷിഷും ഇവരിൽ നിന്ന് കണ്ടെടുത്തു. കോഴിക്കോട് നെന്മണ്ട സ്വദേശി ഷിനോ മെർവിൻ, കൊല്ലം ഓച്ചിറ സ്വദേശി റിജു, കായംകുളം ഭരണിക്കാവ് സ്വദേശി അനീഷ്, ഇടുക്കി തൊടുപുഴ സ്വദേശിനി മറിയം എന്നിവർ പിടിയിലായവരിൽ ഉൾപ്പെടുന്നു.