പത്താം ക്ലാസ് ഇംഗ്ലീഷ് ചോദ്യപേപ്പറിലെ വിവാദ ചോദ്യം ഒഴിവാക്കി സിബിഎസ്ഇ. വിദ്യാര്ത്ഥികള്ക്ക് ചോദ്യത്തിന് മുഴുവന് മാര്ക്കും നല്കും. ചോദ്യപേപ്പറില് നല്കിയിരുന്ന ഖണ്ഡിക മാര്ഗ നിര്ദേശങ്ങള് അനുസരിച്ചല്ലെന്നും ഇതിനോട് അനുബന്ധിച്ചുള്ള ചോദ്യങ്ങളും ഒഴിവാക്കുകയാണെന്നും സിബിഎസ്ഇ പ്രസ്താവനയില് അറിയിച്ചു.
സ്ത്രീ-പുരുഷ തുല്യത കുടുംബങ്ങളില് കുട്ടികളുടെ അച്ചടക്കം ഇല്ലാതാക്കിയെന്നാണ് സിബിഎസ്ഇ പത്താം ക്ലാസ് ആദ്യ ടേം ഇംഗ്ലീഷ് പരീക്ഷയുടെ ചോദ്യപേപ്പറില് ഉള്പ്പെട്ടിരിക്കുന്നത്. സ്ത്രീ ശാക്തീകരണമാണ് സമൂഹത്തിലും കുടുംബങ്ങളിലും പ്രശ്നങ്ങള്ക്ക് കാരണം എന്ന തരത്തില് കാര്യങ്ങളെ അവതരിപ്പിച്ചിരിക്കുന്നു.