തിരുവനന്തപുരം: പുതുപ്പള്ളിയില് ഉപതെരഞ്ഞെടുപ്പ് തീയതിയില് മാറ്റമുണ്ടാകില്ല. സെപ്തംബര് അഞ്ചിന് തന്നെ വോട്ടെടുപ്പ് നടക്കും. ഉപതെരഞ്ഞെടുപ്പ് വിജ്ഞാപനം പുറത്തിറങ്ങി. അതുപോലെ ഈ മാസം 17 വരെ നാമനിര്ദേശ പത്രിക സമര്പ്പിക്കാം. സൂഷ്മ പരിശോധന 18ന്. പത്രിക പിന്വലിക്കാനുള്ള അവസാന തീയതി 21 ആണെന്ന് വിജ്ഞാപനം വ്യക്തമാക്കി . രാവിലെ ഏഴുമുതല് വൈകിട്ട് ആറു വരെയാണ് പോളിംഗ് നടക്കുക.
ഭിന്നശേഷി സൗഹൃദ ബൂത്തുകളും ഹരിതമാര്ഗരേഖ പാലിച്ചുള്ള ബൂത്തുകളും ഒരുക്കുമെന്ന് സംസ്ഥാന മുഖ്യ തെരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു. ഓണാഘോഷവും മണര്കാട് എട്ട് നോമ്പ് പെരുന്നാളും കണക്കിലെടുത്ത് പുതുപ്പള്ളി ഉപതെരഞ്ഞെടുപ്പിന്റെ തീയതി നീട്ടണമെന്ന് എല്ഡിഎഫ് ഇന്നലെ ആവശ്യപ്പെട്ടിരുന്നു.
തെരഞ്ഞെടുപ്പ് കമ്മീഷന് പരാതിയും നല്കിയിരുന്നു. നേരത്തെ യുഡിഎഫും തെരഞ്ഞെടുപ്പ് നീട്ടണമെന്ന് ആവശ്യപ്പെട്ടിരുന്നു. ജൂലൈ ഒന്നിന് മുന്പ് അപേക്ഷിച്ച വരെ മാത്രമേ പുതുതായി വോട്ടര് പട്ടികയില് ഉള്പ്പെടുത്തൂയെന്ന തീരുമാനം ജനാധിപത്യത്തോടുള്ള വെല്ലുവിളിയാണെന്ന് സിപിഐഎം സംസ്ഥാന സെക്രട്ടറിയറ്റംഗം വിഎന് വാസവന് പറഞ്ഞു .